金船長餐廳 (已結業)

見這餐廳甚獲好評,初五晚決定一試,晚上八點十分要等位,二十分鐘後入坐,由於在等位時已看過menu,一坐低就叫以下:意式清雞湯,印式天多利烤三文魚($98)法式焗紐西蘭羊西冷配薄荷燒汁($108)加$40配1.5安士法國鵝肝金船長梳乎里($32)意式清雞湯--真的很清,雞粒也很好味,蒜蓉飽一般.飲完湯很等了很久,隔離張檯一齊叫,個簿餅嚟先差唔多食晒,我地先上主菜,等!印式天多利烤三文魚--三文魚賣相不錯,可惜...太鞋,太乾,無三文魚味,反而配菜,西蘭花仲好味,攪笑!法式焗紐西蘭羊西冷配薄荷燒汁--羊扒不熱,味道普通,個人認為絕對不值$108,只有三細舊,攝牙la都唔夠,完全唔飽,最飽就係啲薯蓉,有些少芋頭,諷刺地個汁做得最好!鵝肝--鵝肝個皮煎得很脆,但個餡入口不溶,還有點鞋,失望!食完主菜,跟住又等等等......甜品是一早叫定的,但都要等很耐!金船長梳乎里(原味)--梳乎里不是很熱,但味道不錯,也很香.總括來說,對所食極度失望,眼見其他很多檯都叫漢堡飽及黑松露薄餅,下次都係要跟大隊,唔跟的後果......原來睇返其他食評,係呢度都係唔好試其他嘢,穩穩陣陣食返出名嘢算!唯一讚的是這裡