松記糖水店 (已結業)

同朋友一齊去食甜品，望完隔離枱，人地兩公婆食咗幾啖個芒果西米露就唔食埋單.... 要我廿幾三十蚊食呢種質素、呢種賣相的甜品真係唔制，因為貪平啦，就嗌咗杯薄荷飄雪算數。朋友已經警告話佢自己一定唔會order薄荷既野，點知開口中。係完全將牙膏溝落水咁既味道，難飲到不得了，真係唔知落咗乜料。仲好意思話「推介」，陣味似假膠，好明顯無心製作的倒模產品。高質過松記的甜品店有好多，大家應該多發掘一下。另外一提，因為都坐咗一陣吹水，先發覺枱角有蟻爬來爬去，明知甜品易惹螞蟻又缺乏清潔！