養心殿台式養生鍋 (已結業)

今日放工之後同朋友一齊黎試下佢推介嘅唔熱氣打邊爐之選，哈哈！平時打邊爐好驚熱氣，但黎呢度打邊爐反而養生入面嘅環境古色古香，餐具用品都好有古代feel我地叫左個酸菜白肉鍋，入面有大白菜，五花腩同埋寬條麵，仲有新鮮蕃茄，好足料，湯底酸味味，好開胃！第一次食咁多湯底本身嘅料，平時都好少食。除左湯底本身嘅材料之外，仲會另外附送一碟酸味味大白菜同五花腩跟住朋友見到原來like佢地fb可以送飲品，我地當然唔執輸，即刻哈哈。叫左兩杯菊花蜜食物方面，我地叫左個手工丸類拼盤，入面共有六種丸，每一款丸都好新鮮，我地都好驚喜。墨魚丸蝦丸等都食得出係真材實料！為左試多D款，我地連餃子都係叫左拼盤比起丸，我更愛餃子！特別係鮮蝦雲吞，入面有大大粒蝦，口感彈牙，非常新鮮！無論係丸定餃，都大大隻，材料豐富鍾意食蝦嘅我地仲叫左鮮蝦滑，上面嘅唔知係D蝦子定蟹子呢？總之好爽口哈哈大食嘅我地仲怕唔夠飽叫左個關帝麵，同平時食嘅麵無咩特別，水準正常。舖頭職員服務態度都好好，成日主動幫我地倒茶，論盡嘅我跌左幾次筷子，佢地都即刻幫我換不過舖頭冷氣好勁，建議女士一定要帶定件外套去。