六合小廚 (已結業)

有個朋友喺附近返工，同佢食晚飯,帶帶咗我去六合，佢話老闆人好，野食好味又抵食。坐位多，唔洗同人迫。上到去原來係一間茶餐廳嘅樣，但係有好多小菜食，朋友話秘製蜜椒土豆牛腩粒好正，咁我哋就點左呢個餸。另外仲點左瑤柱碎蛋白炒飯同欖菜肉碎四季豆。果然冇介紹錯，秘製蜜椒土豆牛腩粒一嚟到就香噴噴，牛腩淋得嚟又有咬口，薯仔煎過再用蜜汁炒，上面佈滿黑椒粒，香口惹未食唔停！瑤柱碎蛋白炒飯炒得粒粒分明，有大排檔嘅火候。