炑八韓烤 (歐亞銀行大廈) (已結業)

通常想食韓國燒肉既時候，第一間諗起既一定係炑八😌貪佢夠曬就腳又好味。果日見到炑八新出左個慶州勝利豚套餐好似都唔錯，就約左朋友去最方便既太子分店試一試🤩一坐低就上左小菜同一大兜沙律，炑八既沙律真係好好食，非常新鮮而且夠凍，有柚子醬味酸酸甜甜好開胃🥳呢度泡菜、生菜、爐邊蛋同粟米芝士都可以任添，唔洗擔心唔夠食！燒肉方面有韓牛前胸肉、醬油牛小排、薄切牛舌、慶州五花肉、慶州豬梅肉、韓風魷魚，睇到都覺得飽到上心口😂 當中最好食就係韓牛前胸肉，好軟好重牛味🤤而慶州豬肉都比一般豬肉香甜，口感彈牙，值得一試👍🏻個餐仲有辣炒年糕，加20仲可以有杯蘇打，真係好抵食！