壽司郎

營業中

休息中

今日係星期六，壽司郎10:30就開門，早左半個鐘嚟排隊，係佢一開嘅時候就已經可以入去食，其實都唔算等得好耐。入到去係有60分鐘嘅時間俾你食，所有嘅壽司其實都好抵，味道都唔錯。當中我認為最值得食嘅就係期間推出緊嘅特大油甘魚腩，特大拖羅同埋軟殼蟹呢三款都超大碟，而且魚無筋好新鮮，拖羅入口即溶都係27$ ，呢個價錢絕對係超值，軟殼蟹簡直係可以用誇張黎形容，啲蟹係完全蓋住啲飯，成半隻蟹咁。好好味佢啲甜品同雪糕都值得食。如果平時唔洗排隊，一定係會揀壽司朗。