影片
更多
2019-04-19
1472 瀏覽
做過打工仔都知，新仔係好需要前輩提攜。家下素po飛(buffet)越開越多，就好似岩岩加入混戰既就有呢間叫齊齊素既新仔，我地呢啲過廿歲既老前輩當然即刻去幫襯下啦。但其實係去掃場之前，都有一段小插曲...話說，新屎坑驚多人，當然係有你冇你打去book左位先啦，點知...唔比book位！？玩咁大！？A~師主，素食之人乃應內心水靜如鏡，你定定經先～原來因為老闆娘話試業期間發現呢個時段(2:15-330pm) 唔係好多人所以一定會有位，又基於唔想嘥野為理由，唔會再refill野，所以唔敢幫我地留位。然後老闆娘就話：「你黎睇下岩唔岩食先啦，如果OK就比番個優惠價你」。這是什麼意思！？即係話佢做唔做到生意唔緊要，最緊要你地岩食，夠食。係呢個金錢掛帥既商業社會講呢啲，多麼滾動啊...！不過滾動歸滾動，落場睇下你係咪真係滾到我地先！所謂食野先食殼，齊齊睇個殼～整間舖呈小「L」字型，位都OK多，我地去既時段人比較少，夜晚時段的話可能都會逼逼地。整體設計簡約中有少少時尚加懷舊路線，感覺都OK。另外重有啲素食、種野、環保等等既書擺係到任睇，不過因為係限時，血拼之際應該唔會得閑睇吧？又或者你可以比錢入黎睇書放
家下素po飛(buffet)越開越多，就好似岩岩加入混戰既就有呢間叫齊齊素既新仔，我地呢啲過廿歲既老前輩當然即刻去幫襯下啦。
但其實係去掃場之前，都有一段小插曲...
話說，新屎坑驚多人，當然係有你冇你打去book左位先啦，點知...
唔比book位！？玩咁大！？
A~師主，素食之人乃應內心水靜如鏡，你定定經先～
原來因為老闆娘話試業期間發現呢個時段(2:15-330pm) 唔係好多人所以一定會有位，又基於唔想嘥野為理由，唔會再refill野，所以唔敢幫我地留位。
然後老闆娘就話：「你黎睇下岩唔岩食先啦，如果OK就比番個優惠價你」。
這是什麼意思！？
即係話佢做唔做到生意唔緊要，最緊要你地岩食，夠食。
係呢個金錢掛帥既商業社會講呢啲，多麼滾動啊...！
不過滾動歸滾動，落場睇下你係咪真係滾到我地先！
所謂食野先食殼，齊齊睇個殼～
整間舖呈小「L」字型，位都OK多，我地去既時段人比較少，夜晚時段的話可能都會逼逼地。整體設計簡約中有少少時尚加懷舊路線，感覺都OK。
另外重有啲素食、種野、環保等等既書擺係到任睇，不過因為係限時，血拼之際應該唔會得閑睇吧？
又或者你可以比錢入黎睇書放題。
事不宜遲，直搗黃龍驗明真身先！
＊＊要先講明，因為我地係係唔會再refill既時段，所以食物種類同份量會有唔同＊＊
最近門口既係沙律區，後排係甜品區。生果幾甜幾新觧，紅菜頭算係比較少有，最開心係藜麥任筆，重要係三色果隻！
係瘋狂食主食下，冇咩點試到甜品XD。不過就一定要試自家制既豆腐花！覺得唔夠滑？因為係真正大豆製造，夠健康絕無添加其他多餘野。
呢到可以算係炸野區。春卷、咖哩角呢啲都係常客，較特別既有蛋散同…shake shake薯條XD
黎喇黎喇，終於講到主食區！（要影相未食得住真係一種折磨！XD）
（左）昆布醬油煎腸粉（右）鮮菇西蘭花
92 瀏覽
0 讚好
0 留言
（右）鮮菇西蘭花：有睇過我「從心素食」果篇食評都知我花心得黎特別鍾愛西蘭花子。呢味？走唔甩喇～
（左）星洲炒米（右）金菇醬油王炒麵
68 瀏覽
0 讚好
0 留言
（右）金菇醬油王炒麵：食評寫到詞窮可以點寫？「OK好味！」
（左）麵醬茄子腐皮結（右）？？？青瓜
63 瀏覽
0 讚好
0 留言
（右）？？？：唔係亂碼，而係個牌都比人食埋。其實係青瓜，家常菜式。
（左）蜜椒薯仔杏包菇（右）沙茶蘿白炆大根：
51 瀏覽
0 讚好
0 留言
（右）沙茶蘿白炆大根：無論睇落定食落味道都覺得似蘿白炆牛腩，推薦之一！
（左）玉米濃湯紫菜浸菜苗（右）香椿藕片炒山藥
63 瀏覽
0 讚好
0 留言
（右）香椿藕片炒山藥：成個山草藥咁既名，不過其實冇中藥味，藕片亦好爽，唔錯。
（左）咖哩冬瓜燴素丸 （右）南乳四寶蔬
67 瀏覽
0 讚好
0 留言
雖然係一味咖哩一味南乳，不過咖哩唔辣南乳唔濃，甚至可以話係「清」（當然唔係冇味果隻），好唔好食就因人而異，個人黎講就好鍾意。
（左）紫米露（右）木瓜湯
48 瀏覽
0 讚好
0 留言
（右）木瓜湯：一般木瓜湯咁味，料都OK夠～
紅白米＋腰豆(?)混戰飯
43 瀏覽
0 讚好
0 留言
杞子菊花茶
44 瀏覽
0 讚好
0 留言
講真，好明顯水多，不過都算可以，而且個人覺得杞子菊花茶好夾啲野食。
後感：
其實呢個時段真係好，話就話食到330pm，不過其實我地都over哂，佢地亦冇意思要我地走。
因為咁，重有時間同老闆娘傾下計。
一係唔傾，一傾之下先知，原來呢到真係好著重健康，用本地菜，好多野都係自家製，連啲春卷都係自己續條包。
而且唔落啲化學野或叫精製既野，所以連砂糖都冇。
雖然味道黎講唔算突出，不過呢啲理念確實令人滾動，而且食得好舒服，野食好清又健康，加上咁抵（最後佢地都比左個優惠價$58/位我地），必定再黎。
同場加映：
齊齊素「攻略」
睇完個攻略就知呢到同「無Ｘ食」一樣，都係自己處理食完既碗筷既。而呢到會鼓勵人只用一套食具。
明偷拍staff公然偷食！(其實係佢地放lunch XD)
門口：第一次去其實都好易搵，不過如果有個大少少或顯眼少少既招牌可能會更好。
張貼
