齊齊素 (已結業)

原來喺我屋企過呢頭都唔係好遠🚈🚉去開Mega box順便睇下有咩好嘢食隱沒喺民區有佢😊價錢比坊間嘅素食自助平一截lunch70幾蚊有交易質素仲幾好幾唔錯添😁🥰入到去第一印象係-好衛生！🌞有手套派，夾嘢果隻手一定要戴住當然仲要戴住口罩先可以攞嘢食而且碗盤唔重用（非即棄餐具）夾完一次就要換過隻碟啦🍽🍽🍽🍽🍽地方細細嘢食種類唔算好多但「麻雀雖小，五臟俱全」咸甜，冷熱，嘢飲都有齊曬下午點半去到都仲fill緊嘢食🤣有幾樣嘢一定要推涼拌蕎麥麵好正🍜好重芝麻香麵質又剛剛剛好凍凍哋好開胃南乳齋熱度充足枝竹入味易咬開有啲天然嘅香甜味真係好好送飯🍚個雲耳都唔錯味道有啲似譚仔🌶但調味無咁重手清新啲另外要讚一讚嘅係啲飲品全部無落糖感覺更加健康🥛咁客人就可以唔洗怕太甜但亦有可以再改善嘅地方例如甜品唔太吸引🍰得啲少量凍糕同現成年輪蛋糕仔😶麻婆豆腐本身味道唔錯但加咗榨菜好似有啲唔夾🤭有無朋友仔住呢頭？可以約埋我搵日再戰！順帶一提，啲職員好有禮貌😝😝😝我打咗去幾次問長問短book位又book到1212（邊有人book 1點至點半，我果下個腦諗緊咩）佢哋都好細心解答完全係加分位置！

素食真係越嚟越多 ，除咗平時食嘅中齋或者沙律嗰啲呢類型嘅素菜自助餐可以話度度都搵到。今日食呢間齊齊素，除咗個名搞笑啲之外，其他都依類型餐廳好似。特別之處呢係西式嘅款式多少少，一堆西式沙律啦、糕點同pizza。不過啲食物呢，refill就唔算太快例如啲熱門菜式pizza拔絲呀呢啲咁，都要等一輪佢先送上，又要住店員幾時拎嚟衝出去， refill快啲就更好啦。普通中式齋菜呢就基本款式啦，講番個環境都坐到幾多人。不過服務上呢，俾我嘅感覺就是啲家庭經營， 行入去又唔係專業化嘅服務咁囉。不過仍然係呢區食齋嘅好選擇。

雖然是蛋奶素，但也有不少純素選擇，我的肉食家人全部一致認同這家真的很好吃，很喜歡！食物種類很多，炸物、炒菜、PIZZA、壽司、冷盤、湯品、甜品等。肉食家人給你們推薦素叉燒、咖哩角、純素PIZZA！Although it is vegetarian, there are also many vegan options. My meat eaters family members all agree that this is really delicious and they like it! There are many types of food, fried, stir-fried dishes, PIZZA, sushi, cold, soups, desserts, etc. The meat eater family members recommend you vegan Char siu, curry corner, vegan PIZZA!

倉猝找到一間位於九龍灣德寶商場內吃齋的餐廳，餐廳推出週年紀念優惠餐$68/1位，不收加一，入座計起75分鐘，入場先付款，聽聞是五星級酒店大廚開，齋菜算不過不失，平平地，食到捧住個肚走，但不要期望太高😅

第一次食素食buffet，食物okay多，熱湯熱盤甜品生果都有齊，但食物味道沒有太大驚喜，有些食物放涼了雖然味道好但還是扣了分。豆腐花是用山水盒裝豆腐花，如果用桶裝自家豆腐花會覺誠意點。齋义燒及酸齋好食但只出了一輪餐廳環境潔淨寬敞。設自助返桌服務，自己食物自己處理

都食過其他素質自助餐，暫時呢間係食過比較有待改進，可能食既係午市，晚市有機會更好食。到達時間為11:50 am ,應刻剛剛開始第一輪午市，炸物例如薯條，已經係軟左唔脆。冬瓜湯夠濃，足料。腐竹薏米糖水冇咩薏米，而腐竹溶晒，見唔到踪影。飲品有蝶豆花茶，及洛神花茶，幾特別，甜品有蝶豆花大菜糕，好靚。冷盤的蕃茄意粉，味道純粹意大利香草同茄牆味，屋企整得好食過佢。蕎麥面唔夠鹹。另外，熱盤好多都都偏淡。而且的確唔係好好食。最好食就係炒菜。可能我重口味。

喺九龍灣得寶商場，都幾方便，星期六差唔多下午1點到，唔洗等位可以即時入座，但都好full，一點開始要等位，但都只係等一陣。食物款色都幾多，質素都okay，只係比較普通嘅菜色，中菜為主，有湯，沙律同簡單甜品。比較特別嘅係炸饅頭配椰奶，好貼心呀，用椰奶代替煉奶☺️☺️另外飲品都幾好，凍飲有山楂烏梅汁，蝶豆花茶，兩款都好好飲，熱飲有玄米茶同夏枯草。唯一不足係坐得有啲迫同坐喺攞嘢食隔離，不斷有人喺後面岀岀入入。

今日心血來潮想食齋，諗起牛頭角得寶商場開了一間素食自助餐「齊齊素」，聽聞仲有五星級大廚坐鎮，當然要試試啦。放工過到去已經兩點，店員叫我先看看是否啱食，因為已經過了午餐時段，食物不會再補充，但價錢比正價平$20，反正吃得不多，也沒問題，仲慳返$20添。餐廳面積不大，但環境簡潔舒適，職員很有禮貌。食物種類算多，中西式都有，有凍有熱，有甜品、糖水、凍飲、熱飲、包點、星州炒米、上海粗炒，味道水平之上，糖水十分足料，雖然是環境時段，但種類多，每款食少少都已經足夠有餘，抵食！

同媽媽慶祝生日，因為為左近九龍灣，就search下有咩素食。搵到呢間齊齊素，見佢距離地鐵站唔係好遠就打電話book位其實由地鐵站行過去10分都唔駛，都幾方便。因為佢dinner5:30開始，所以6去到算早所以唔算多人，食物擺晒出黎，見到已經覺等好吸引！佢d食物放得好整齊，種類又好多，未食已經覺得印象好好。座位好多，地方都幾大同整齊。食物方面媽媽激讚因爲佢係食素既，試過好多唔同既素食自助餐，呢間食物質素真係好用心，連我唔係食素都覺得好好食。冷盤有沙拉同生果，仲有甜品。甜品做得好精緻，味道亦好出色，個泡芙係出邊放咁耐入口個刻入邊既cream仲係好冰凍，好有驚喜藍色同粉紅色一個個正方形好似jelly好似係蝶豆花，唔係好甜都幾特別！佢既炸物，必食佢個金沙南瓜，炸粉夠薄，仲有蛋黃香，好好食。其他都炸得好好，偏愛炸物既媽媽食得好滿意因爲佢選擇夠多，張相影唔晒，佢之前有再加食物。熱食方面都做得唔錯，個水煮牛有驚喜，估唔到素色都做到咁好食，睇得出廚師唔係就咁煮d素食出黎，每樣都好好食。有pizza都好食，影既時候食未出齊野食，搞到影唔晒Tim,要一提佢既熱飲有玄米茶同菊花茶,2樣都好飲，唔飲凍飲都有選

今晚同之之黎左呢間位於頭牛角得寶商場既齊齊素到食飯.講番點解會黎呢間到食先,因為我地食睇左某網媒介紹被吸引而來的.講番入正題先,呢間餐廳離地鐵站都唔係話好遠.同埋易搵的.行番十分鍾左右都會到.都方便易搵.我地去到門口同姐姐講訂左位,佢就示意我地要買票先.兩位$396元正.好,入到去就搵左張2人台坐底.今晚既客人都唔係話多.只係坐左35%左右啦.之後我一個箭步就出左去睇下有咩好食先.係呢一邊見到呢面都有D冷盤咁,有水果,雲耳, 沙拉,涼粉,dessert我自己拎左D青瓜薯粉咁.食落都正常冇野.都OK既!見到有兩款熱飲,我自己就試左菊花茶,但係太甜........玄米茶冇試.食完凍既,我地就出去食熱野.去左炸野個邊,見到有2款Pizza,薯條咁.我自己就試左一件Pizza,薯條,春卷和咖哩角.重有個D四川青瓜.Pizza都OK,但係就應該係放耐左硬身左D薯條完全係漏左氣.但係本身佢個做法應該係正既.就好似先前M記做個D Shake shake 咁.春卷入面,有好多種素菜絲整成,口感唔錯,食落係爽口.但係又係一件漏左氣既食物黎,而且比燈照住都係凍的.咖啡角都係同春卷薯條個D一樣.唔想多講.食

主日返完教會後與老媽來這新開的素食店試吓(打算幫中心帶長者來)，未夠鐘已見門外有人排隊等入座了，入席先購票後便入座，店內環境簡潔，而且取食物的位置集中，方便取餐食。食物分有炸物區、冷盤區及熱莗區，各區食物都有十多二十款選擇，食物質素唔錯，而且新鮮好食，更不停有補充！最難得員工待人友善及細心，見到經理佢還特意為長者熟客取食物，的確是有愛及誠意的食店，會再來幫襯的！

我哋今日去到嘅時候門口企滿人，原來因為今日有社福機構訂咗20幾人係嗰到搞活動，所以要安排佢哋入座先，好多已經book咗枱嘅人就要係門口等。其實等唔係問題，但店員指示唔清晰，淨係要我哋係門口等一陣，又唔知要等幾耐，D人又冇排隊，只係一堆堆人企係門口等，我見到有D已經book咗枱嘅都走咗。其實我覺得如果有機構黎搞活動，店員可以畫一個區域比佢哋，同時安排我哋入座，而唔係要我哋成班已經book咗枱嘅人去等佢哋20幾人坐好先到我哋入座😠，所以一開始時已經浪費咗時間，希望類似情況日後會有改善😵。食物種類算多，但好快比人夾哂，午市自助餐1:00開始，到1:45已經冇咩野食，店員又唔再加添食物，但明明自助餐食到3:00，所以2:00後黎嘅人已經冇咩選擇。如果大家想黎試，建議1:00黎食，同埋記得要book位。沙律bar: 沙律菜、車厘茄、藜麥莧菜籽 (口感煙韌，但味道較淡)、青瓜、粟米、橙、西瓜……小食:炸饅頭、素龍蝦片、春卷、煎堆仔、焦糖芋頭、shake shake 薯條、脆麻花、藜麥法包多士、迷你潛艇、蕃茄薄餅、菠蘿薄餅……炸物味道唔錯，外表夠香脆，尤其推薦脆麻花春卷。薄餅嘅餅底外表香脆，內裏軟熟

尋晚同朋友第一次試環境很不錯，幾大有頭盤area , 有甜品，主菜都有不少款式！芋頭魚、叉燒、黃金炸南瓜、豬扒飯、狗仔粉...都係好味嘅！值得一讚係，廚師出新菜式，會熱情invite大家好試！熱辣辣好正！尋晚有反沙芋、口水雞、照燒雞（當然全部係齋啦😝）口水雞個汁係廚師自己整，好辣但好惹味：）真係捧住個肚走，好飽😂😂😂😂下次要再黎，推薦大家試下In general 好有heart , 唔係hea 住賺你錢

中午黎呢邊食午飯發覺原本既餐廳執左轉左素食自助餐星期一至五午餐$78自助餐黎講好平一於入黎試下佢分左幾個區有熱食，炸物，甜品，糖水，飲品粗略數過起碼二十款食品算係好多選擇雪櫃有豆腐花，不過寫住晚餐先有提供餸方面有酸齋，辣炒西蘭花，苦瓜牛肉（用豆整既牛肉），魚香茄子等等味道似茶餐廳食到嗰啲全部都好入味見佢refill得好快，啲餸唔會攤凍哂主食有西炒飯，狗仔粉，炒面等等不過不失最愛炸物區特別推薦炸薯條，反沙芋同埋pizza熱飲有菊花茶同埋非洲茶兩種茶都幾好香菊花係清甜，非洲茶就有啲似麥茶凍飲選擇都好健康，例如蝶豆花不過我就唔係咁飲得慣都係鍾意熱飲多啲甜品選擇都好多泡芋好好食～見到有人拎個食物盒裝食物原來可以自己帶一個盒/向餐廳買一個臨走時裝一盒走值得一讚係要客人自己收拾碗碟分類後放係回收區

食素者又有好介紹啦！位於牛頭角得寶商場 新開"齊齊素" 自助餐，是有四個時段食的，我食午餐時段，地方不算大，環境勝在夠光猛 ，坐位也不覺迫夾，侍應生又有禮貌，最重要就係食材新鮮，嘩！好多蔬菜啊！以港式菜為主打，以前都有去食素的我，只會發現好多煎同炸模仿似層層肉嘅食物嘢，但呢間竟然係用蔬菜做主打！👍當你食嘅時候唔會覺得有重味精味和肥膩嘅，更唔會有傑撻撻嘅嘢添，本人覺得食素應該最緊要都係新鮮蔬菜首選， 而且不斷補給餸菜，絕對唔會覺得畀人攞曬的感覺😂，仲有小型嘅沙律自助吧添！食品也很有心思呢！還有茶座享用，飲品也有幾款啊！廚師用了很多心思👍極有新鮮的感覺！😍😍✨✨✨✨✨✨有四個時段😋進餐