海山板神

營業中

休息中

星期日去荃灣真係人山人海，周圍都好多人食飯，今日2:00，餐廳都仲係好多人，今次試呢間新餐廳，好多人都有叫佢哋嘅鐵板飯，性價比真係超高！不過我自己就想食得豪華啲，就想食壽喜燒。今次一個人嚟食就可以單人份量，幾方便！佢哋嘅壽喜燒都好多料，我自己竟然食唔晒！叫咗牛板肩，雖然好多人都食和牛，但我覺得呢一款都好腍身，又有肉香味！佢初初會比牛油你煎香塊肉，唔落壽喜燒汁就咁食我自己覺得都好好食！當然之後加壽喜燒汁加埋烏冬啱啱好，佢嘅壽喜燒汁又唔會話好甜！另外叫咗關東煮，蘿蔔真係必試推介，有腍又入味！