舍 (已結業)

星期二（9月13号）被友人約去IFC 嘅SHE （舍）食晏，由於我係輪椅使用者，所以友人訂枱時，已經同餐廳溝通左，點知餐廳安排嘅位置，跟本冇可能俾一部輪椅入去！結果我只好過櫈，要一個傷殘人士離開張輪椅，係好吃力，亦危險嘅事！但過程，一個餐廳職員都冇行過嚟問⋯⋯需唔需要幫忙？或者講句唔好意思！anyway，安全過櫈之後，就叫嘢食啦，我哋叫咗個lunch set ，每人有四件點心，再每人一個主食。四件點心，除咗啲外皮係唔同顏色，有啲特別之外，啲餡料嘅味道就同普通嘅酒樓差唔多。坦白講，利園嘅點心好味過佢好多。至於主食，我朋友order 炒飯。碗炒飯，我朋友食咗一碗仔就話打包返屋企俾工人食！因為我冇試食，所以唔知味道如何？我叫嘅係口水雞，味道ok ，但件雞嘅size 就完全唔係menu 嘅咁，簡直係一開二！ 埋單計數，每人差不多四嚿，因為我哋叫咗支水⋯⋯坦白講，俾四嚿水，係IFC有其他食肆好味過佢。坐得舒服過佢。至少一定唔使坐到膊頭撞膊頭，背脊貼背脊。講返轉頭，好彩我過咗櫈，如果唔係，我相信餐lunch，我要出出入入好多次，因為成餐飯，我一共俾其仔食客同餐廳職員踢咗三次櫈腳 ！係IFC食咁多餐