115
35
19
港鐵香港站 E1 出口, 步行約1分鐘 繼續閱讀
電話號碼
21100153
開飯介紹
提供注入時尚元素的傳統中國菜餚,例如蝦餃加入香檳以突出蝦肉鮮味,蝦餃皮更是晶瑩的粉紅色。餐廳裝潢以大自然為主題,陽台更可望到維多利亞港的景色,氣氛既高雅又不失輕鬆感。 繼續閱讀
附加資料
Takeaway Available
營業時間
今日營業
11:00 - 23:00
星期一至日
11:00 - 23:00
*最後落單時間: 21:30
付款方式
Visa Master AlipayHK 支付寶 現金 AE 銀聯
座位數目
110
其他資料
網上訂座
餐廳運作模式 - D類
酒精飲品
自帶酒水
切餅費
泊車
電話訂座
外賣服務
加一服務費
海景景觀
室外座位
當面支付
有關獎賞計劃
食評 (205)
等級4 2022-01-04
647 瀏覽
放假同朋友去了「舍」hightea☕餐廳位於IFC連卡佛百貨內。內裡環境空間感十足,餐廳另設有约十張室外座位,可以望著無敵維港景色。下午茶有哩款精緻巧手中式點心Rosey Winter Sparkle Afternoon Tea set $428(再加一)咸點有7款上湯玫瑰金魚餃😍賣相好可愛,係上湯🐠好以倆條金魚係度暢泳😆香檳金蝦餃黑魚子菜苗帶子餃想讚哩度所有餃嘅蝦肉都好爽口👍雜菌手袋酥起初以為甜點,原來咸點,因為同流心荔枝放埋一起,好別緻賣相😍手袋仔型狀,裡面雜菌好juicy😋花之戀即係春卷好靚花花型狀🌺炸得啱啱好唔會過燶,裡面隻蝦大粒爽口👍推薦「粉紅漩渦」臘腸卷臘腸卷唔會太油原隻黃金鮑魚酥個酥皮好鬆脆甜點有2款流心荔枝球,造型整得好似👍玫瑰燕窩蛋撻精緻甜點,賣相吸睛,不過我地喜歡咸點多啲。熱飲係養生玫瑰花茶🌹☕整體來講餐廳環境非常之唔錯,食物精緻,價錢好抵👍可以望住無敵海景嘆住食,心情都靚啲💕 繼續閱讀
(以上食評乃用戶個人意見 , 並不代表OpenRice之觀點。)
一直都想帶老媽 來這裡品嚐 精緻美美的 大馬士革玫瑰花園 下午茶 👒👒這兩天剛好 到了四季酒店 Staycation 離開時就非常方便 因為位置就在 國金商場 連卡佛內 👜👜餐廳設計時尚摩登 以大自然為主題 擁有室外露天座位 面對無敵維港景緻 ⛱⛱每天下午三時 就可吃到這個 新派精緻巧手 中式點心 每人咸點 4款 甜點 5款 熱飲或凍飲 1杯 🍹🍹香檳金蝦餃粉紅菜苗帶子餃花之戀(炸春卷)雜菌手袋酥迷你燕窩撻莓莓糯米糍紫薯玫瑰水晶糕天鵝綿花糖金魚楊枝甘露養生花茶莓莓檸檬梳打這個下午茶 剛推出時 與土耳其 大馬士革玫瑰 護膚品牌 gülsha 合作 當時會送 體驗禮品 2套的 但這趟惠顧 優惠已完結了 沒有護膚品送 🛍🛍整個 Tea Set 部份款式已改 上湯玫瑰金魚餃 換成 金魚楊枝甘露 甜蜜玫瑰饅頭 換成 天鵝綿花糖 🦢🦢感覺甜點多了些 質量只是合格 沒有驚喜 相反咸點心 水準較高 亦好吃 店家可能要改變下 Tea Set menu 才可讓客人 回頭光顧 😜😜影相打卡 絕對能夠滿足 但也要顧及客人 喜歡食物質素的需求 🌹🌹 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-12
201 瀏覽
舍 @ 中環今日約咗朋友黎中環IFC試試一間傳聞環境同食物都高質嘅中菜餐廳--舍😍 餐廳位置比難搵,係連卡佛入面,近化妝品個排。一入餐廳就比窗外瑤柱竹笙冬蓉羹好味😋佢嘅質地係比較厚身同好滑,冬瓜蓉好清甜,配上鮮味瑤柱同爽滑竹笙,滋味無窮😙點心拼盤(蟹子黑豚肉燒賣,松露野菌餃子,香檳金蝦餃,菜苗帶子餃)四款招牌點心各有特色,我最中意係香檳金蝦餃,因為佢啲蝦好新鮮而且好夠餡,咬落個感覺唔會好油膩😍加上粉紅色外皮再掃上金色真係好適合打卡!唯獨係野菌餃差少少,覺得佢味道唔夠濃郁😣招牌炒飯份量夠,飯粒軟硬適中,粒粒分明,配料都幾豐富,包括蝦、叉燒、蔬菜粒等;味道會啖少少,反而咁樣少啲味精味,更岩我心水🥰紅豆沙都煮得好溶,唔會太甜,份量都係岩岩好👍🏻埋單未加一要$298一位,性價比唔算高,畢竟個價錢係包埋環境同海景🤪 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-10
168 瀏覽
今日同好閏蜜慶祝生日🎂 當然想帶佢去學個靚嘅地方chill chill然後兩個女仔可以慢慢影下靚相打下卡,再慢慢傾吓計啦👩‍❤️‍👩依間位於中環IFC裏面,個環境果然真係一流我哋揀咗喺室外坐,因為天氣涼涼地喺室外錯都幾舒服,當然更可以欣賞到成個維港既景先係重點🤭 仲要咁啱今日天氣好好💗叫左個下午茶afternoon tea,影相好靚🤣個餐包兩杯飲品可以叫佢杯signature coffee或者花茶☕️ 佢杯咖啡都不錯佢哋個下午茶以中式為主,d點心好精緻!整到好靚好特別!呢個係幾深刻嘅一味點心,因為佢哋將個蝦餃整成好似金魚~~ 又幾似魚缸到游緊水咁😝我幾鍾意食呢個,佢個外型一個手袋咁😋口感好好👍有少少似粉粿咁呢個荔枝球係甜品嚟,用奶黃做夾心個外皮有少少荔枝味感覺好清新🤤依個炸物都出色😋 呢個燕窩蛋撻,細細個咁,我自己好鍾意食蛋撻,所以依個afternoon tea有埋蛋撻好開心🤣我覺得佢依個下午茶四百幾蚊兩個人都唔算好貴,尤其是佢喺中環商場裏面,可以望咁靚嘅景,同朋友傾吓計,可以值得一試🥰 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-06
123 瀏覽
早幾日同媽媽去咗High Tea🫖。 平日好多餐廳,酒店都無下午茶供應,所以我一早做定功課,知道IFC @舍 星期一至日都有得High Tea供應,我早早就訂定位做乖乖女孝順吓媽媽。 🌸🌸🌸🌸🌸🌸🌸🌸【粉紅冬日閃爍下午茶】 $428 兩位🌸🌸🌸🌸🌸🌸🌸🌸🫖點心🫖🥢香檳金蝦餃・皮薄餡料足。🥢雜菌手袋酥 ・小手袋造型,賣相可愛。🥢臘腸卷・細細舊易入口,臘腸香口。🥢菜苗帶子餃・帶子新鮮。🥢上湯玫瑰金魚餃・佩服廚師的手工,兩條金🥢魚像真度相當高,靚到唔捨得食。🥢花之戀 (炸物)・炸得又香又脆,一朵花嘅外型整得好細緻。🥢黃金飽魚酥・大大隻飽魚有咬口,飽魚味濃。🥢玫瑰燕窩蛋撻 (甜點)・足料燕窩放滿整個蛋撻面,女士養顏恩物。🥢流心荔枝球・靚到以為係真荔枝,外層一粒粒紅色脆脆口感十足。 🌸🌸🌸🌸🌸🌸🌸🌸 有別於傳統西式下午茶,【舍】下午茶以中式精緻點心作主打,每件點心都靚到好似藝術品,眼睛及肚皮都十分滿足。 繼續閱讀
(以上食評乃用戶個人意見 , 並不代表OpenRice之觀點。)