Mr. Crab by The Captain's House (已結業)

因為疫情，我同大少都要在家工作，成個月都冇乜機會一齊出去食飯。咁啱嗰日要出灣仔電腦中心度買嘢，所以又係去咗灣仔。哥日下着毛毛雨，因為諗住快啲避雨，就求其入咗哩間轉角位嘅海鮮餐廳。我同大少都係揀咗個好簡單嘅香蒜橄欖油扁意粉，包餐湯，一塊麵包，沙律同咖啡。個餐嘅份量對我來說就啱啱好，但係大少的話，我就覺得佢會食唔飽。意粉有少少辣，都幾惹味。雖然係一間西式海鮮餐廳，但係感覺上好似食緊茶餐廳咁。雖然唔係難食，但咁樣嘅價錢，就好似唔係咁抵。應該唔會再有第二次。