冇鵝肝！冇麵包蟹！得啲蒸到變擦膠嘅蟶子，同埋凍花蟹！啲花蟹細隻到呢，街市賣廿蚊一碟三隻都大隻過佢！
17:00開始食，唔洗3個字就冇乜淨，得番隻穿窿冇人要，成場唔refill！18:00左右就比單我埋！我忍唔住問個收銀係咪唔refill 凍蟹？佢先叫廚房fill 番幾隻⋯凍蟹隔離嘅龍蝦鉗冇乜味，唔止冇龍蝦味，係乜味都冇！仲成鉗水！熱食都唔好得去邊，除咗擦子膠蟶子外，仲有超over cooked 嘅蒸龍利魚，其他見到都唔想食！個山形牛壽喜燒個牛算叫好食，不過個湯甜到呢，又多味精，食完我飲咗勁多水！整嗰個阿姐仲要煮到個牛10成熟！簡直暴斂天物！隔離燒和牛壽司個阿姐又係，方死和牛唔夠熟，燒到燶到有焦！
差啲唔記得生蠔，都伏！以前有牌仔比食客知食緊咩生蠔，宜家梗係冇啦！唔單止完全冇蠔味，仲有啲黑黑地色，又唔飽滿⋯一轉三隻，就冇再食！第一次見buffet生蠔區嘅員工咁得閒！
隔離枱仲有我地親愛嘅國內同胞，一路食住個果撻，一路去拎其他野食！真係一啲都唔waste time！佢仲行咗十幾次拎咗十幾碟生蠔放晒响枱，比屋企人打卡添！
總之，我地咁多年嘅關係，就到今天為止！唔會再比機會呢間，都唔會再信網紅喇！
