影片
更多
2021-07-02
999 瀏覽
話說，試完金鐘嘅四季.悅，本身都覺得性價唔高，點解又會再嚟九龍灣呢，因為假期周圍都冇位，呢度即日打電話嚟竟然有位。同埋知道佢就算嘢食唔多都好，但坐得舒服。刺身係可以嘅，新鮮，帶子同蝦質素都好好，仲有好多款貝類，赤貝，北寄貝，馬刀貝之類。吞拿魚最唔好食，三文魚部位都唔算特別靚。熱食質素其實好普通，冇咩回本位。種類比較大喜屋大瀛喜果幾間少好多，尤其係甜品同埋飲品，基本上冇咩可以揀。佢雖然有清酒同埋梅酒，但係質素係飲唔落口嗰隻，啲梅酒甜到好似飲糖水，清酒就只有酒精味。好在都有支唔甜嘅茶可以叫。甜品就只有好難食嘅煉奶雪條，同埋唔似雪糕嘅雪糕糯米糍。 本來以為有鵝肝食，可以回下本，但係佢炸得好乾，真係鵝乾。食物都叫做可以，又唔算話好差，不過職員呢，對住你係幾殷勤嘅，但係係你背後就不停討論你走得未食完未…（因為佢人客唔多，食淨得兩枱）。一落單，廚房又會有啲嫌棄嘅說話，因為佢人客唔多，淨係招呼你咁樣，好想你快啲走。呢間餐廳不停減少食物種類，縮短放題時間，價錢又唔係收得平，其實佢想點。已經冇人幫襯到拍烏蠅咁樣，六個職員招呼兩台客，都仲要縮短放題時間係咩玩法？結論：食完，肚痛。（得我肚屙，友人冇事）。
刺身係可以嘅，新鮮，帶子同蝦質素都好好，仲有好多款貝類，赤貝，北寄貝，馬刀貝之類。
吞拿魚最唔好食，三文魚部位都唔算特別靚。
熱食質素其實好普通，冇咩回本位。
種類比較大喜屋大瀛喜果幾間少好多，尤其係甜品同埋飲品，基本上冇咩可以揀。佢雖然有清酒同埋梅酒，但係質素係飲唔落口嗰隻，啲梅酒甜到好似飲糖水，清酒就只有酒精味。
好在都有支唔甜嘅茶可以叫。
甜品就只有好難食嘅煉奶雪條，同埋唔似雪糕嘅雪糕糯米糍。
本來以為有鵝肝食，可以回下本，但係佢炸得好乾，真係鵝乾。
食物都叫做可以，又唔算話好差，不過職員呢，對住你係幾殷勤嘅，但係係你背後就不停討論你走得未食完未…（因為佢人客唔多，食淨得兩枱）。
一落單，廚房又會有啲嫌棄嘅說話，因為佢人客唔多，淨係招呼你咁樣，好想你快啲走。
呢間餐廳不停減少食物種類，縮短放題時間，價錢又唔係收得平，其實佢想點。已經冇人幫襯到拍烏蠅咁樣，六個職員招呼兩台客，都仲要縮短放題時間係咩玩法？
結論：食完，肚痛。（得我肚屙，友人冇事）。
張貼
