四季‧悅 日本餐廳 (Manhattan Place )

營業中

休息中

在KKday見到有優惠，平均唔使$200一位。同屋企人一家四口一齊嚟。星期日晚市5:30食到9:30無限時任食。刺身新鮮其他食物都好驚喜特別係鵝肝燒菠蘿銀鱈魚等等。仲有甜品及飲品青酒梅酒等都係任飲任食。呢個價錢真係超高性價比屋企人都話好滿意好抵食。仲有兩小時免費泊車優惠👍🏻已經約埋其他屋企人七月八個人再嚟。環境好舒適，坐得舒服，服務都好好👍🏻出餐快冇漏單👍🏻如果買到KKday優惠真係非常推介👍🏻

九龍灣都有這樣的日本料理，而且是自助餐形式，門面和店內裝修幾好，氣氛唔錯，坐位都舒服食品也是自助的，選擇都不少，有凍咖啡👍🏻👍🏻但是有一半都是四洲的，如果有更多不同牌子選擇會更好食物選擇方面，大致上都可以，凍的例如魚生刺身，海膽手卷，這些都有，可以無限量食熱的例如燒烤串燒，以及鍋類，粉麵都有，也有海鮮而食物質素方面，亦是一般比較好味的是蒸蛋，另外串燒都可以其他的比較普通烏冬唔好食關東煮太淋了

母親節嚟食飯，諗住一家人可以開開心心同屋企人食餐飯。點知，由6:30坐低叫嘢食，一碟一、兩粒咁樣上餐，叫咗好多都係上咁少，重點係我有8、9個人，都唔知俾得邊個食。我哋都有追過啲嘢食，侍應指出係因為多人所以出餐慢，亦都叫我哋再次落單，但係落完單之後仍然冇嘢食上。食到8點幾，就俾單我哋話要俾錢，重點係冇食過嘢落肚😅。雖然佢係無限時食，但飲品同雪條櫃選擇亦唔多，加上好多人，個櫃都俾人清曬咁滯，亦都冇refill。埋單嘅時候，服務態度亦都差到極點。總結：不可一，不可再。

Disappointing Experience.We visited this restaurant as a group of nine, expecting a pleasant team lunch. Unfortunately, the service was extremely poor. Two of us received our food only after the rest of the group had already finished eating. This delay was unacceptable and ruined the dining experience for everyone.Additionally, the food was overpriced for the quality offered. We left feeling disappointed and unsatisfied. I would not recommend this place if you're looking for good service and val

當日同媽咪行行吓mega box，突然間想食放題，去網上搵到附近有呢間，就過嚟試吓，刺身品質唔錯，壽司就中規中矩，不過左口魚裙邊就好好食（唔記得影相），另外熟悉有蒜蓉牛油帶子，串燒就牛脷最好食，翠玉瓜亦都唔錯，再整個壽喜燒牛肉鍋。 甜品有唔同嘅明治雪條，細個最鍾意食角10 棒 ，好有童年回憶🥹成餐飯上菜嘅速度都好快，最怕啲放題出夜晚仲要成日漏單，另外伙記亦都有介紹放題嘅菜牌，嚟緊仲話會有和牛主題嘅（額外收費），雖然會貴少少，如果有時間嘅話都會再去😋

前幾日再去食，比起半年前出品差好多，之前試食過中午亦都差左，好大問題可能換左廚師，不過真係吾知，但仲要卑多60蚊去食蟹粉，首先D蟹粉好難食，其他食物賣相極其差，－早去到好多都售罄不如吾好做好過，如果哩個價錢可以去另外一間集團放題食啦，

新出自選系列啱晒我呢啲日日睇心情去食野既人有2款/3款揀之後再揀飯/烏冬性價比高刺身便丼3款賣$88可惜我少食生野我見隔離枱食得好開心下次再介紹同事試自選刺身丼

今晚book咗19:30枱食情人節晚餐 19:15已經入座 個陣時入座率大約7成 但我地等咗差不多10分鐘先有職員攞QR code俾我哋落單我哋第一次落單每款食物叫咗少少諗住試吓 但等咗大半個鐘先嚟第一樣食物（炸物）之後又要再等15分鐘先有第二樣食物（都係啲炸物）等都等到落晒嗝魚生等到大概20:30先有 壽司更係9點幾 啲枱走得七七八八先出叫完最後真係嚟咗嘅我諗大約只有三成 而且完全唔跟落單次序 邊張枱催就有食物係咁出比佢地物呢排餐廳仲做緊每位+$60有得食蟹粉放題 我地都加左試吓 佢有6款蟹粉食物 我哋落咗幾次單 每次叫幾款咁 但最後只係嚟咗兩樣野 （好彩最後同侍應反映完 有得豁免返呢個額外收費）食物同侍應服務都ok嘅 但上菜真係要大大改善🫠真係等到懷疑人生 覺得唔寫差評太對唔住自己 於是第一篇食評就獻咗比佢啦

呢個comment係食到一半出，頭一個鐘叫左好多野都無出過，出餐好慢，食物係唔差但出啲唔出啲，飲品選擇好少，出餐方面，有啲我懷疑上錯檯比隔離，因為我聽到隔離檯好多話佢無叫，但人地照食，但係我見到係叫嘅野嚟，仲有好多檯都係度催，我最接受唔到係連刺身呢啲唔洗著都要三四個字先出一盤仲要唔齊野，位置又唔算就腳，唔推薦

今晚朋友話想試吓佢公司附近呢間日式放題, 本身我對放題興趣不大, 印象中係成日漏單,質素麻麻, 同埋坐得好迫。無期望下反而有驚喜,坐位闊落, 食物新鮮, 出餐快而準, 服務員親切有禮, 最新推廣係有蟹粉任食(加$60), 幾特別, 讚!餐後甜品都吾錯, 如果款式再多D會更好。如下次有其他主題, 會再嚟食過~

屋企必備小零食，一定有Calbee薯片🥳共有5到7種味道，有啲仲係期間限定！餐廳集齊各款口味，食客盡享多樣風味。今次我哋兩個嚟食放題，🤓揀咗兩款，🐮威靈頓牛柳帶有牛柳的鮮香同薯片的脆爽，🍛泰式紅咖喱則帶來了濃郁的東南亞風情。自選刺身拼盤新鮮厚切，🐟吞拿魚搭配黑松露帶子，鹹香惹味。🍣海膽醬燒赤蝦壽司，入口鮮美。麻辣燙麻辣鮮香，🔥煎鵝肝醇厚細膩，蒜茸燒半殼元貝鮮美多汁。青咖喱軟殼蟹配薄餅，充滿創意，😋咖喱汁配薄饼perfect match~比貝魚西京燒，香滑的口感，令人回味。

剛剛同成班朋友去MegaBox行完街，見到隔離呢度做緊雙重獎賞優惠，一邊食放題，一邊食到晒最新款限定新口味薯片。😳 最估唔到呢度有齊咁多種味，好彩我地有咁多人，一人揀一個口味～ 平時點會見到咁齊。我就最鍾意香港經典風味嘅蝦子拌麵味 & 中式鮑魚味❤️～ 🍶呢餐好正咁有任飲Choya梅酒和清酒，真係不醉無歸！放題都好多款式，揀幾個分享一下❤️🐟自選刺身拼盤：帶子、象拔蚌，油甘魚、三文魚都夠鮮👍🏻蒜茸燒半殼元貝：蒜香撲鼻加埋勁嫩滑元貝～ 最鍾意呢款🐠吞拿魚黑松露帶子壽司：吞拿魚配黑松露加入滑口的帶子，幾好🧶海膽醬燒赤蝦壽司：海膽同赤蝦係絕配🥣麻辣燙：估唔到有得食。味道超級刺激，愛辣必試🥢煎鵝肝：油脂豐富🌟比貝魚西京燒：入口爆魚油到整個口腔都係。超推！另外，甜品仲有多款日式飲品和雪條～ 食埋就十分滿足

🎉為了慶祝2025年，四季‧悅放題2重賞，正價$388現在特價$248，還多送卡樂B薯片一包，而且Total有五至七款新味道，包括:蝦子拌麵、紅咖喱、鮑魚、番茄羅勒意大利、威靈頓牛柳味和千島蝦堡味…去邊度都沒可能有齊晒咁多味，唯有在四季悅可以享用到，係期間限定，薯粉們真是要快點去啦，別錯失良機！🍽️鮑魚味薯片的香脆口感，伴隨著濃郁的鮑魚香味，兩者結合無疑是對味覺的一次驚喜！威靈頓牛柳味薯片則充滿了濃郁的肉香，像在享用一份經典的牛肉大餐，再配上無限享用的梅酒真是完美！🦪任選多種刺身做拼盤，想吃多少吃多少，熟蝦刺身弹牙鲜甜，三文魚刺身油脂丰富，還有北寄貝、赤貝等新鮮刺身，一次嘗遍海鮮美味！🍤火炙左口魚邊壽司和火炙三文魚壽司，焦香四溢，每一口都是滿滿的幸福。海膽醬燒赤蝦鹹香鮮美，鵝肝芝士鰻魚卷層次豐富，一口下去，美味無法言喻。🥩汁燒牛柳粒，肉质鮮嫩，汁香四溢。蟹肉忌廉餅，中間的忌廉濃郁得讓人無法抗拒。🦪煎鵝肝綿密香嫩，海膽流心忌廉餅一口咬下去，忌廉絲滑爆漿入口。豉椒炒蜆，豉椒香气撲鼻，蜆肉入汁，每一口都是滿足。🐚辣醬煮東風螺，辣酱的香辣與东风螺的鲜美滑嫩完美結合。青咖哩軟殼蟹配薄餅，咖喱味香濃

在九龍灣商業區，有這一間門面和店內裝修幾好日本餐廳，餐廳內氣氛唔錯，坐位都幾舒服飲品自助的，有玄米茶、綠茶、以及凍咖啡👍🏻👍🏻但是有一半飲品都是四洲的食物選擇方面，唔算特別多，大部分都是普通款式而食物質素方面，亦是一般比較好味的是蒸蛋，另外串燒都可以炸物都可以，鵝肝都唔錯銀鱈魚都幾好而魚生拼盤賣相都幾好，新鮮，但係壽司就一般，賣相麻麻另外手卷賣相都比較普通其他的比較普通烏冬唔好食關東煮太淋了

#20240712 🤍📍 四季‧悅 日本餐廳 九龍灣宏泰道23號Manhattan Place 1樓101-103號舖 🍽️金鐘夏慤道16號遠東金融中心UG樓A1號舖➖➖➖➖➖➖➖➖➖➖➖➖➖➖➖➖➖#慶回歸日式放題 $225/位💭 網上睇到呢間野有特價，原先好似$385一個人，依家做緊71折之餘仲每兩個人減$100，圍起上尼先$225，當然要原價數加一啦，不過都抵既🤑. 🥢 #冷盤💭 最主要尼梗係食刺身啦，大路野果啲#三文魚 呀、#赤貝 呀、#吞拿魚 呀佢都有既，不過#蝦 就淨係得熟蝦，鐘意食蝦刺身既朋友就要失望喇，用有既刺身尼講，佢都新鮮而且塊塊厚切，算唔錯啦🐟. 🥢 #熱食💭 其實呢度既選擇唔多，但有啲幾特別既，例如佢會有#豬大腸串燒 ，又有#大阪燒 ，好似平時係出面食放題好少見，有得任食#日式蒸蛋 加左分，重點係佢整得幾好食，入面有菇有蝦有瘦肉，炸物最推薦#芝麻雞翼 ，外脆內軟滑，覆桌左幾次都仲想食～. 🥢 #甜品💭 呢間係四洲旗下既放題店，所以佢啲野飲同雪條都係四洲品牌，唔好太高期望，想試伏可以自己去特惠店買條試🚁不過佢有個#窩夫 即叫即整幾吸引，多返啲朱古力醬會仲好味🧇總括而