Ti Amo手作 (已結業)

今日(2-6-2017 Fri)去醫院，到12:45pm行到嚟搵呢間，佢嘅舖位原來對住教堂，如果唔係我唔甘心搵都搵唔到。但嚟到門口掛住"休息"牌，入面有個男人背住門口食o緊嘢，一個女仔喺出餐處好忙咁整嘢，我唔打攪佢哋住喇，行吓等吓，卻被我發現原來佢哋喺通道口擺咗個牌，舖外都有個牌，又見到有個著制服嘅男人去送外賣，咁即係開咗門?於是行去睇，人物依舊，個女仔望到我就行出嚟，我問佢ready好未?佢語氣唔係咁好咁答我:"未，最少1:15pm。"就即刻轉身返入去。重有35分鐘，呢頭又冇地方坐吓，叫我點喺條街喥等咁耐?原本睇佢會唔會問我介唔介意坐住喺入面等，我會答唔介意我亦唔趕時間，但佢冇咁問，既然佢唔旨在做我生意，咁我都無謂咁等落去。