Ti Amo手作 (已結業)

話說有一次我同屋企人去河畔度食lunch ,咁就見到一間食pizza嘅餐廳度食啦，入去嘅原因係因為冇乜人，諗住可以快啲食完就返工！一入到去員工都冇乜理我地，仲要勁黑面，原因我都唔知點解叫完個日式午餐，之後咁個餐就跟一個汽水嘅，本身我就叫百事嘅，但係拎出嚟一啲都唔凍，之後我就叫佢轉芬達啦，結果都係唔凍，唯有焗住飲冇辦法跟住我哋有12點鐘等到差唔多12點九餐先食得，原因係因為餐廳都掛住整外賣，完全冇理過我哋堂食嘅人，仲要間餐廳剩係得我哋兩個人，都等左成九個字如果餐廳真係做唔切堂食，就應該全部轉晒外賣午餐終於嚟到喇，味道真係好一般，當求其食餐野算數😤😤

今日(23-6-2017 Fri)去醫院,由於都晏又想食pizza,呢間應該開o左lu o卦,於是行o黎,冇乜人,只有兩個客人,唔係上次o係6月2日我食完蘇花餐室後經過時,睇到滿晒座,點解呢?呢日落雨,我去到時見到有好多遮放o係出面,於是我都想擺,但我o個把係縮骨遮,冇位掛,於是我照入去,o個位唯一,亦係我上次遇到o既店員,即刻話雨遮放出面,好彩我有膠袋,我答我放入膠袋,佢至俾我坐.我睇menu,搵唔到一人o既pizza餐,於是我問佢,佢答冇一人餐,最細係9吋pizza.=.=我一個人點食得晒?於是再叫潛艇,點知佢話今日冇.=.=.咁我唯有要$68.00o既明太子炒飯,我問佢包唔包飲品?佢指一指最下面話加錢,是日餐湯係粟米忌廉湯,咁我要湯啦.落完單,好快,佢竟然俾碟意粉我,我呆一呆,佢至知俾錯.之後粟米忌廉湯到o黎,顏色好白,飲落,味道唔係太淡,但硬係覺得唔係正常飲到o既忌廉湯.話多一陣,明太子炒飯到o黎,賣相特別,而眼見有魷魚,開動喇,我食到有魚塊,然後重見到有蜆肉,炒蛋同蝦仁,每樣食材都中規中矩冇乜出錯,而最多o既係魷魚.食完覺得好口渴,好睇我自己帶o左水飲.最後埋單係$68.00

今日(2-6-2017 Fri)去醫院，到12:45pm行到嚟搵呢間，佢嘅舖位原來對住教堂，如果唔係我唔甘心搵都搵唔到。但嚟到門口掛住"休息"牌，入面有個男人背住門口食o緊嘢，一個女仔喺出餐處好忙咁整嘢，我唔打攪佢哋住喇，行吓等吓，卻被我發現原來佢哋喺通道口擺咗個牌，舖外都有個牌，又見到有個著制服嘅男人去送外賣，咁即係開咗門?於是行去睇，人物依舊，個女仔望到我就行出嚟，我問佢ready好未?佢語氣唔係咁好咁答我:"未，最少1:15pm。"就即刻轉身返入去。重有35分鐘，呢頭又冇地方坐吓，叫我點喺條街喥等咁耐?原本睇佢會唔會問我介唔介意坐住喺入面等，我會答唔介意我亦唔趕時間，但佢冇咁問，既然佢唔旨在做我生意，咁我都無謂咁等落去。

今日收工，唔想煮飯，約埋鄰居叫外賣！外賣1小時後送到，與報的時間吻合，而且送到的時候熱騰騰，唔錯！香辣牛肉批，辣辣地好惹味。同連鎖店嗰啲好唔同，真正手工做Pizza豬手皮脆肉嫩，入味，下酒一流。重點係人少少的我地，可以揀半份。慰藉嘴饞，又可減低罪惡感最愛鰻魚炒飯，香濃足料，厚切鰻魚、粒粒壽司多蒜蓉包香脆，除蒜蓉外，有牛油同basil , 幾好味。不過，貪心的我，總認為蒜蓉包的醬料，應該要搽到滿滿的，才算合格，仲要搽之前搵粒蒜頭「率」曬全個包，個包先有濃濃的蒜香！對不起，我講多了甘樣的蒜蓉包，通常都係自家製先食到！總評：每人幾十蚊，食到甘足料的野食，請支持小店！

之前見佢係公司樓下派傳單 見幾吸引 特登搭一個站過去食叫左個饅魚定食 再自選小食同沙津（無記錯好似80蚊左右 當然亦有d較抵食既lunch set,款式都好多）好彩呢個餐都無令我失望 味道唔錯又即叫即整如果份量多少少就好啦唔好以為好大碗 角度問題影到大炸

其實遇上呢間店都算是緣份, 因為真係派傳單順手接左拎番屋企, 有日想叫外賣就見到張外賣紙.但到order 時發現我手上張傳單已經ourdated, 價錢同menu 已經有少少改動.都等1個鐘, 好在我早左打電話去2人餐烤雞沙律以為前菜都係Hea 下你, 點知好有驚喜! 菜新鮮, 沙律醬好味不在話下, 連d雞肉都好好味, 好滑!忌廉湯 無乜湯料, 味道濃三文魚螺絲粉外面d芝士焗得夠香夠脆, 入面仲要超多三文魚! 份量都幾多, 但都食得晒, 因為幾好味~又唔會太咸, 唔漏, !pizza盒, 有心既小店郁郁鰻魚pizza足料, 超多鰻魚! 似日式風味, 而且皮唔會太厚, 但又焗到好脆!下次要外賣pizza 一定會揀返呢間!

本人很少寫食評，但這不能不寫。。。首先在上班前經過正在派外送的傳單，立馬相約同事們中午一同叫來嘗嘗看。想不到外送的是小伙子背著一個保暖的背包。收到便當後，一打開和普通的不同，便當來就算很漂亮，同事們也都很稱讚。本人叫的是鰻魚定食+芝士年糕+胡麻醬青瓜沙律。雖然外送時間和指定的時間差一點點，但吃的時候還算是暖暖的，味道也很好，份量看起來不多，但吃光光後是很飽的，連平時吃不多的同事也吃光光了，大家都很喜歡。下次一定會再光顧的!!

今日天氣好好 啱曬行下街 食個high tee行過河畔花園又去左上次間pizza 店 就二話不說同幾個朋友仔入左去再試其他野食 坐低見到menu好多選擇吖 真係花多眼亂 咩都想試 今次 點左店員推介嘅 香蒜蜆肉意粉 咖喱吉列豬扒蛋包飯 同埋兩個小食 孜然燒羊肉串同芝士煙肉焗薯皮 上檯賣相一流 味道好好味臨走仲拎左傳單 原來有得送外賣咖 仲$100免費送到屋企下次會再幫襯喱間小店

今日收工喺河畔附近剪完頭髮 見到有間pizza 店 好似好吸引 未行到入去已經有店員介紹餐廳有咩食物 就行入去試下 我本身好鍾意食西式食物 見到餐牌有Carbonara 即刻order左 見到係手作 應該係即叫即整 等左大約１０分鍾 上檯賣相真幾靚 即刻試下 味道真係好ok 埋單都好抵 服務亦好好 下次會再試其他食物

今日收工經過河畔花園又再去試下上次間pizza 舖 未行到門口已經有服務員介紹有咩好野食 我唸到無唸同上次一樣行入去 坐低已經覺得有啲特别 原来轉左menu 有好多新野 服務員未介紹之前 我已經唸到想食嘅野 tea set真係好抵食 今次試狂脆雞配蟹子沙律 堅正下次一定要再試其他

我日日都會經過河畔花園 成日都心大心細唔知食咩好 今日見到有間幾特别嘅食店 睇完menu好多野都想食就行左入去 感覺好有家嘅感覺我坐低左就有店員問我想order甚麼 因為唔係好肚餓 我order左個和風吉列猪扒拼薯皇 坐左一陣已經有食物到枱 賣相好靚 新鮮熱辣 夠香脆鬆軟 炸得啱啱好 好味好味 下次會再去喱間食店試其他食物

星期六唔使番工，訓到黃朝百晏去搵食。其實之前經過都見到呢間小店，但一路冇試，因為已經成5點半的原故，已經冇客，我係門外望左眼，擔心緊係唔係仲有得食之際，店員好快就出黎同埋友善地同我地講仲有下午茶。抵讚坐低叫左豬扒包，炸雞下脾配薯皇。豬扒包到先，賣相唔錯，熱辣辣。豬扒都幾厚，有肥有瘦又唔un, 味道唔錯！薯皇上左先，隻炸上脾等左成10分鐘，唔怪佢因為係即叫即炸，但趕時間就唔好叫喇。隻炸脾唔大隻，但佢話用左8隻香料去整，味道有d 似 台灣果d 炸雞味，香港黎講係少見，個皮炸得勁脆，雞肉好滑真心要支持下d 小店，仲要係用心的依家都買少見少，下次有機會試下dinner，手做pizza好似不錯

喺芸芸河畔新開嘅餐廳中，呢間 Ti Amo應該比較少人知，因為佢嘅地理位置比較偏僻。 餐廳主打嘅食物係pizza同意粉，亦有ribs同燒春雞等主菜可以選擇。呢晚唔算好肚餓，兩個人要左個超值輕量二人餐，盛惠$110。呢個餐包括一個pizza，兩份小食，同喺餐湯/汽水/飲品/沙律/蒜蓉包選一款。 餐牌嘅presentation唔係寫得幾好，即使睇晒中文版同英文版依然覺得唔清晰。pizza揀左郁郁鰻魚，小食揀左炸蝦同薯皇，仲有汽水(俾餐牌誤導左，否則應該會揀蒜蓉包)。 郁郁鰻魚pizza：一打開pizza果頁已經決定要叫佢。呢個配搭比較少見。配料除左鰻魚仲有玉子，白菌，蛋黃醬同木魚碎。所有配料嘅味道都好夾，每一樣配料嘅味道都食得出。鰻魚同其他配料嘅數量都唔少。呢個配搭的確好新鮮，味道好似章魚燒同鰻魚飯嘅混合。另外餅底都值得一讚，薄批黎講最怕佢凍左會變得好硬，呢度嘅餅底熱食時較脆，稍涼變成軟熟，即使攤凍晒都唔會實的的硬屈屈。  不過pizza切得太大塊，一個pizza切開4份，食用時不太方便，特別佢係薄批，太大塊好難拎起。炸蝦：炸蝦配以蛋黃醬上枱，外皮炸成金黃色，十分香脆。入面嘅蝦較為幼細，

難得放假，約咗阿妹一家食lunch, 順便見我我可愛嘅小情人，阿妹提議食pizza, 話呢間雖然舖細細但好好味，咁當然要去試下。舖頭真係好細，但見門口有幾個好大嘅保溫箱，餐廳應該以主力外賣自取為主。睇完餐牌，叫咗個2人輕食餐，有1個pizza, 2個小食，2客餐湯或2罐汽水，為咗氹小情人，pizza叫咗夏威夷，有菠蘿嘛，小食叫咗炸魚柳同薯角，仲有2罐汽水，小情人不知幾開心，由頭食到尾，仲話好好味見隔離枱叫咗炸雞，勁吸引，忍唔住再叫咗3件炸雞，由於生炸關係，我哋等咗十幾分鐘，但一上枱，原本叫住要走嘅小情人，立即乖乖坐低等食，可想而之炸雞有幾吸引今餐唔駛200蚊，又飽又開心，仲要係妹夫埋單，太好啦，多謝妹夫

沙田河畔花園一帶搵地方同朋友慶生，見到新店試業座無虛席，決定一試！該店位置唔算對正大街，唔留心睇分分鐘錯過，我同朋友一行五人，由於有朋友遲收工，想齊人先入座，眼見不停有人等位，晚市想幫襯真係要等下位！但勝在價錢、食物種類取勝。食物質素不錯，有驚喜！全部即時製作，細細間小店都務求做到賣相同味道都有水準，實在難得！值得一試再試！