宏鮨芯 (已搬遷) 新店位置

有晚諗住去v city食日本嘢，去到門口大排長龍就梗係唔等啦，結果上網搵到附近呢間日本餐廳。餐廳位置於打冷附近，但平時經過多數都係去打冷所以唔多覺眼，入到餐廳入面地方闊落坐得好舒服。但人客唔算多，當時見到人客唔多其實都驚驚哋伏，都嚟到啦唔食都試吓先嘅朋友話睇完魷魚遊戲所以想食魷魚天婦羅喎，本身我唔諗住食嘅魷魚天婦羅因為覺得應該又韌又硬唔好食，朋友不停大讚令我都想試下，果然好食粉漿好脆魷魚又唔韌。南瓜天婦羅都唔錯，掛住食冇影相，粉漿唔同但一樣夠脆好食仲叫咗個茶碗蒸都好好食又係唔記得影相至於個焗生蠔我就冇食啦，但朋友話好食開始叫咗油甘魚、帶子、拖羅、劍魚腩壽司，啲壽司全部都好鮮甜肥美，講真呢間餐廳嘅水準完全超出我哋預期，尤其中意件油甘魚腩，好食到自己食咗三件，因為呢件魚腩我會經常去。