新強記燒鵝乳鴿海鮮酒家 (已結業)

黎到大圍就搵吓雞粥食啦, 見呢間門面幾好就入去試吓啦! 叫左雞粥/燒鵝/炒蜆/椒鹽白飯魚, 燒鵝黎到見到好似幾靚咁, 即刻加碗瀨粉, 點知食落燒鵝麻麻地, 皮幾脆不過肉就好鞋...黎到主角雞粥, 味道係雞還雞, 粥還粥, 即係d粥係冇味既, 完全唔係想像中粥底會有雞味, 唔掂既然係咁, 都預咗另外兩樣配角都會係麻麻地, 果然冇令大家失望, 認真麻麻地...其實之前都有諗住入大圍食雞粥(未揀食邊間), 好彩今次係嚟搵朋友拎野順便試吓, 如果特登入黎真係浪費時間, 如果有朋友知邊間真係好食希望可以話我知