佐敦大排坊•佐敦火鍋 (已結業)

特登等到9點後$108免加一任食火鍋！早5分鐘開位，但要到9點正先俾入單~第一次食雞煲就獻左俾佢，雖然我諗唔叫非常好味，但足以勾起我發掘更多雞煲嘅癮！先來一大鍋雞煲，有辣有唔辣。辣雞好惹味，麻辣得過癮，可惜份量太少，骨多過肉，汁也少得可憐。本來應該煲耐d會更入味，但怕會黏底，不消5分鐘，雞就俾一班化骨龍清晒了。之後加湯做火鍋湯底，味道沖得好淡，基本上湯底冇晒果陣辣味，靠自調醬油調味蘸食物好了。醬料有得揀疑似xo醬的辣椒油，味道好配合，大大加分！生料基本上同新星火鍋同等級數，不用太大期望。任飲飲品有夏枯草、可樂、汽水、藍冰啤酒等。客人數量唔多，電視機就好多。。