炑八韓烤 (彩明商場) (已結業)

隔咗好幾個月無黎呢間，再次試試啦。但係訂咗座都好，落到去都要等廿分鐘，已經有少少不滿...一路觀察見其實唔係好多人番工，果下已經諗唔夠人不如開少啲枱，唔好有堆空枱係門口成堆嘢未執又無人執又唔俾人入...入到去，都三催四請先叫到人黎幫手落蛋同芝士，其實我覺得炑八/韓燒其中一個賣點絕對係呢樣，做唔到真係又打折扣。都未講佢平時即上嘅正芝麻醬沙律同埋配菜都未上..慶幸啲肉先到。圖中呢個牛勁正（可惜我無mark到名），$22X一碟,稍貴，但堅係好味。唔可以太熟，少少生食落真係肉味，肉汁，腍嘅口感都齊哂！芝士蠔，直接放上去燒，幾特別。望住啲芝士溶係幾治療嘅。不過食落...只可以話蠔唔算好食，芝士又怪味...期望有焗芝士嘅畫面都係無嘅，熱溶嘅芝士可能同啲蠔出嘅水撈埋，攪到完全唔黏芝士...唔知係我唔識整定點...豬背肉，成晚另一個失望位...第一轉以為燒太耐，好韌，第二轉一熟即食，好食咗半舊，然後又係韌，第三轉全部都係韌...如果唔係鐘意韌口豬嘅真係唔好叫啦..葱蒜雞肉，呢個又抵（$78）又好食，佢調味到位又易燒。埋單七百五...其實如果唔係咁慢咁少人番工，應該唔會覺得咁差嘅...辛苦個經理又要帶位