CHOO CHOO (已結業)

長沙灣越嚟越多好嘢食，所以其實都好難揀。不過上網見到呢間餐廳以旅行做主題，好適合我呢個好想去旅行但去唔到嘅可憐蟲呀😂首先一定要介紹餐廳嘅飾潢，餐廳入面嘅掛咗好多會轉場景嘅，而係白雪雪嘅日本雪景，望住佢一邊轉動，好治癒。☺️好啦，到講下啲食物啦。講下兩個主菜先，我哋order咗1855極黑安格斯肉眼扒同埋南美香辣青檸檬豬腩。先講咗個Rib Eye先，餐廳一早就default咗係medium，當然你可以選擇medium rare又或medium well 嘅。一上檯就已經覺得好正，已經急不及待要食，一切開仲見到粉紅色嘅牛肉，係真正嘅medium 👍🏼個青醬同牛肉好夾。不得不讚嘅係，個菇有烤過嘅味道，係好好食嘅，但表面唔乾，入面好juicy。然後旁邊個蒜一定要連埋塊牛扒食，會令到塊牛肉嘅味提升咗！而個豬腩，佢真係有好香嘅香料味，而且啲豬腩雖然切粒，但係唔會食到一粒粒肥肉。最好嘅係餐廳配埋個脆包，而個包係真係脆口，加埋個汁食好正！我哋仲order咗枝啤酒，叫赤米。味道比平常嘅啤酒重啲，而且滑啲，仲要醇啲！仲要成set咁上，就咁睇都係一種享受。總括而言，雖然地方係冇咁就腳，但係真係好值得一試。