福丸水產 鉄板燒 日本料理 (已結業)

農曆年最開心，長假期兼有利是𢭃🧧， 新正頭梗係要食得講究啲，呢輪鮑參翅肚食唔少, 唔想諗又想食好啲，一於打去福丸訂番兩位鉄板燒🔥歎下🤩🤩🤩 上次去福丸係同朋友柴娃娃，加上偶像森美都去過, 點都要跟下風，埋單找數覺得價錢公道，大顆兒又吃得開心，就係咁將佢列入左我嘅To eat list 😍😍😍日本🇯🇵文化態度嚴謹，做事認真，愛吃日本菜，食材新鮮、衞生程度毋庸置疑，清新沙律，開胃前菜三點盛，幼滑嘅口感，滑嘟嘟咁線入喉嚨，美味爽神好開心啊🥳新鮮粒貝🐚、連殼鮑魚靚靚咁登場，唔好以為係食刺身，開心show time 現在開始喇🥁🥁🥁看見廚師全神貫注地製作，煎下翻下絕對係視覺嘅享受，沒多久手起刀落的燒鮑魚，粒貝片片奉上，BBQ 嘅香氣，暖暖嫩滑嘅肉質，原隻海鮮嘅鮮甜美精華，即塲品嚐，簡單的Teppanyaki永遠就是最好吃。 鵝肝配無花果黑醋，厚切鵝肝表皮金黃香脆，軟軟夾心綿密如絲，啖啖油香，輕點黑醋生津解膩，好吃嘅威力在於回甘的一刻，堅正呀！一塊鵝肝，燃點起我嘅《肉》念，肉眼扒成寸咁厚，鮮嫩粉紅，看得我口水直流，完美五成熟，一咬爆汁，滿口肉香 💕配搭煙肉櫻花蝦炒飯，牛扒固然好吃，炒飯也特別美妙