一門 (已結業)

首先要多謝四位美女到一門同我慶祝生日, 好感動!以居酒屋來說, 食物水準一般啦; 環境都幾好, 可以坐得耐, 不過服務就奇怪d啦! 事緣美女們買左個雪糕蛋糕, 一入門口個哥哥仔就話唔會同我地切, 因為之前有人切斷左隻手指喎... 吓? 如果你個同事切魚生切斷手指, 成間餐廳無魚生賣架啦喎? 佢地最後仲要比把切牛油都切唔開既餐刀我地自己切個雪糕蛋糕,個黑面既哥哥又強調多次佢地唔會幫客人切,又仲話只係可以比餐刀我地, 攪到我地五個人好"呢hei"...其實之前又無人話呢間餐廳唔同人切雪糕蛋糕, 甘個客都買左個蛋糕上黎咯, 請問可唔可以flexible d 呢? 可唔可以比d service 呢?仲有個高高瘦瘦既姐姐仔, 丟低左碟燒玉子向我地枱面就走...你唔好以為我地唔知妳要幫個客切埋同放d蘿蔔向上面喎...最後要我地開聲佢先黑口黑面同我地夾開舊玉子, 求求其其連蘿蔔都無放上去...真係唔多妥!!!甘多個侍應ricky服務最好最正常, 其他人真係要認真學習學習咯!!!