Mamaday (已結業)

今日同朋友去到銅鑼灣食lunch，之前聽過Mamaday呢間人氣餐廳 ，夜晚walk in 過一次但唔成功，今次終於食到😎餐廳由門口到店内都大玩幽默搞鬼風格，不僅有過癮圖案同金句畀大家打卡，菜式名字亦極有幽默感，食物質素都唔錯，唔怪得一直都大受歡迎🤪✨有得食手打漢堡仲想點🍔 $88好豐富，有漢堡，薯條同沙律。漢堡入面有蜜糖洋蔥、生菜、蕃茄、芝士，漢堡扒好厚，都幾juicy, 配埋熱辣辣嘅薯條~ 正🥰個包都幾好食，有牛油味，外脆内軟，沙律新鮮解膩😋✨冬陰功虎蝦🦐扁意粉🍝 $128配左3隻大虎蝦，食落肉質爽嫩彈牙，鮮味十足。冬陰功味嘅意粉就第一次食，味道唔算好濃，但都幾好食，扁意粉軟硬適中，帶少少辣，惹味之選😆✨每天都唔同的湯🥣 +$8當日係蟹肉🦀️粟米湯 ，真係食到啖啖蟹肉，好足料，都食到蟹肉嘅鮮味，呢個湯幾滿意🤤✨比利時窩FULL🧇+$42 （焦糖/紫薯）見到tiffany blue顔色嘅雪糕，即刻拿電話打卡先📷，好靚呀🤩窩夫都好香蛋味，食落外脆內軟，中間煙煙韌韌，配埋雪糕一凍一熱，好食☺️✨蜂蜜紅茶🥤可以揀凍或者熱，天氣熱我地都揀左凍，飲落清新香甜，見到有d特式飲品，下次再試😚