影片
更多
2011-07-31
16 瀏覽
一向鍾意食牛, 見到旺角呢度開左間宮崎放題, $198 呢個價錢如果係好味就真係一o的都唔貴, 睇埋呢度o既食評於高高興興去試, 結果係失望失望失望.送o既食物有大蝦、雞牛豬同螺都有, 蝦o既味道唔錯, 全部肉類最好食係豬頸肉, 香甜肉厚爽口, 初初以為送o既係咁上下啦, 點知食到後尾先知原來豬頸肉已經幾乎係最好食o個幾味之一~和牛放題當然係以食牛為主, 我將所有和牛類每款都叫, 諗住每樣都試, 第一round 結果黎漏左牛胸腹同埋白酒牛仔腸, 令我地印象特別差原因係黎左o既所有和牛類, 幾乎冇樣好食!大部份都冇咩味, 要落鹽去燒, 而且唔知點解全部肉類都係厚切, 大大舊肉淡然無牛味, 好似美國極上沙朗心、醬油帶骨牛小排, 全部係大塊之餘, 有一種茶餐廳牛扒 - 用梳打粉整到好滑好淋, 但冇哂牛味o既感覺!黎食和牛真係冇expect 過會有茶餐廳牛扒o既水準!當然並唔係全部野都難食, 推介o既有:牛舌: 黑椒牛舌, 都算唔錯澳洲一口牛肋肉 - 全晚最有牛味, 肥美o既肉蔥醬油牛胸腹 - 味道唔錯, 呢個唔駛落鹽, 但係都係略嫌太厚雞脾菇 - 大塊到你唔信, 好好食京都小瓜 - 好似脆肉
送o既食物有大蝦、雞牛豬同螺都有, 蝦o既味道唔錯, 全部肉類最好食係豬頸肉, 香甜肉厚爽口, 初初以為送o既係咁上下啦, 點知食到後尾先知原來豬頸肉已經幾乎係最好食o個幾味之一~
和牛放題當然係以食牛為主, 我將所有和牛類每款都叫, 諗住每樣都試, 第一round 結果黎漏左牛胸腹同埋白酒牛仔腸, 令我地印象特別差
原因係黎左o既所有和牛類, 幾乎冇樣好食!
大部份都冇咩味, 要落鹽去燒, 而且唔知點解全部肉類都係厚切, 大大舊肉淡然無牛味, 好似美國極上沙朗心、醬油帶骨牛小排, 全部係大塊之餘, 有一種茶餐廳牛扒 - 用梳打粉整到好滑好淋, 但冇哂牛味o既感覺!
黎食和牛真係冇expect 過會有茶餐廳牛扒o既水準!
當然並唔係全部野都難食, 推介o既有:
牛舌: 黑椒牛舌, 都算唔錯
澳洲一口牛肋肉 - 全晚最有牛味, 肥美o既肉
蔥醬油牛胸腹 - 味道唔錯, 呢個唔駛落鹽, 但係都係略嫌太厚
雞脾菇 - 大塊到你唔信, 好好食
京都小瓜 - 好似脆肉瓜, 好味, 不過要燒好耐
食左全晚就係以上幾款好味, 本來我對刺身冇咩要求, 話哂都係和牛放題o者, 但刺身反而唔錯, 就係得五款款色太少
另外雞肉就唔好食血地獄雞腿肉, 鹹到爆!
順提一帶, 個燒網如果要換過個, 係要俾$30. 第一次見到呢樣野要收費, $30 覺得唔值唔俾的話, 後尾o的野食就會全部黑漆漆.
老實講真係第一次見到換網要收費, 感覺就好似打邊爐明明俾左錢買湯底, 煲乾水加水又要另外收錢咁..... 係就係無可厚非, 但係感覺唔係太好
總之又未至於樣樣野都難食, 但呢個價錢食呢o的野真係唔值, 有好多其他選擇.
張貼