更多
2009-02-13
61 瀏覽
090111 T骨牛扒＄148西冷牛扒＄128羅宋湯芒果布甸、涼粉加一合共$304.00睇食評話啲扒好食，嚟到又好多人等位，心諗應該唔差啩羅宋湯唔係隔夜湯，顏色係鮮紅，有幾多渣吓，飲落幾甜唔……啲扒係大塊，配菜同意粉都幾足，但係啲扒冇肉味呢，又冇彈性，以咁嘅價錢嚟講就唔值囉，個黑椒汁冇黑椒味又淡，反而個蒜蓉汁嘅蒜味濃，可以釣番起少少塊扒啲味啦我要讚嘅係個芒果布甸，幾香幾滑吓，佢呢隻係有啫喱粉味嘅，但佢整到冇啫喱粉嗰陣酸味，食過外面好多甜品鋪頭仔，嗰啲啫喱粉酸味都好重，整到好難食，我係唔鍾意食呢隻整法嘅芒果布甸，所以佢送到嚟一望隻色就知，已經有心理準備唔係咁好食，點知食落幾好味講多少少，另一隻芒果布甸整法，係冇啫喱粉而用魚膠粉/片、忌廉等，芒果蓉要重手啲，成本高，步驟時間又多，所以係喺啲大鋪、酒店同大酒樓至食到
T骨牛扒＄148
西冷牛扒＄128
羅宋湯
芒果布甸、涼粉
加一合共$304.00
睇食評話啲扒好食，嚟到又好多人等位，心諗應該唔差啩
羅宋湯唔係隔夜湯，顏色係鮮紅，有幾多渣吓，飲落幾甜
唔……啲扒係大塊，配菜同意粉都幾足，但係啲扒冇肉味呢，又冇彈性，以咁嘅價錢嚟講就唔值囉，個黑椒汁冇黑椒味又淡，反而個蒜蓉汁嘅蒜味濃，可以釣番起少少塊扒啲味啦
我要讚嘅係個芒果布甸，幾香幾滑吓，佢呢隻係有啫喱粉味嘅，但佢整到冇啫喱粉嗰陣酸味，食過外面好多甜品鋪頭仔，嗰啲啫喱粉酸味都好重，整到好難食，我係唔鍾意食呢隻整法嘅芒果布甸，所以佢送到嚟一望隻色就知，已經有心理準備唔係咁好食，點知食落幾好味
講多少少，另一隻芒果布甸整法，係冇啫喱粉而用魚膠粉/片、忌廉等，芒果蓉要重手啲，成本高，步驟時間又多，所以係喺啲大鋪、酒店同大酒樓至食到
張貼
