名寶石餐廳

營業中

休息中

上兩個星期日同屋企人一齊去太子 - 名寶石餐廳補祝父親節❤️ 午餐$148起，包餐湯、餐包、主食、飲品同甜品，好抵食👍🏼🥖 一坐低冇耐，熱辣辣嘅餐湯同鬆軟餐包就送上。大約等左20分鐘，主菜就出場，即叫即整，唔係預製菜😎我地叫咗呢啲主菜：✨ 炸魚柳沙律（x2）✨ 煎紐西蘭牛扒配薯角✨ 焗菠菜龍脷柳意粉✨ 煎牛柳粒配意粉每碟都好大份，我地幾個人一齊share食，開心又滿足🥰🥰飲品凍飲唔使加錢👍🏼，甜品每人一碟，有芒果布甸或啫喱。侍應服務又幾好，期間主動幫我地斟茶，加分！👍🏼我地坐喺2樓，樓底高、環境寬敞舒服，中午時段可以預先訂座，咁就唔使等位，推介！📍太子・名寶石餐廳💰約$148+/位👨‍👩‍👧‍👦 適合一家人、朋友聚餐

香港懷舊餐廳，有濃厚懷舊味道，分上下兩層，樓下雅座，上層有大的玻璃窗，日光充足，光猛整潔，座位之間很寬敞！雖然食物大大份，但味道很一般，食物質素有待改善，牛扒比較硬又煎得太熟，配菜沒有味道，真係烚出嚟！午餐有餐包和包一杯野飲，還有布丁和啫喱甜品任選，三個人三個餐共$460 平均百多元一個餐，在旺角區花園街附近的餐廳，價錢算中上，不是平民價。相信在旺角區有更好的選擇！不過如果想懷緬一下舊式西餐廳文化可以一試！始終這些店如果不是自置物業，很容易關門大吉！

懷舊西餐廳入到去裝修都好有懷舊風格🫶🏻龍蝦拼牛柳粒龍蝦份量都幾多下龍蝦肉都幾鮮甜牛柳粒亦好入味賣相上又好吸睛整體OK 😎😎🫶🏻豬扒拼薯菜豬扒屬於厚切食落好Juicy 豬肉都有調味不過不失😋🫶🏻佢哋個餐湯亦都好好飲比想像中出色配埋餐廳一齊食一流☺️☺️🫶🏻整體嚟講係一個唔錯嘅體驗💕

2005年4月22日上午11時45分進場，此時入座率有三成。12時30分入座率已達九成。我們一行二人，點選了早餐：煎牛柳粒，午餐：焗豬扒飯。兩份餐，包括四片多士，一碗忌廉湯，一杯橙汁，一份芒果布甸，兩杯餐茶。服務方面：幾位侍應都很有禮貌，說話令人很舒服，亦很細心。食物方面：牛柳粒沒有筋沒有渣。焗豬扒飯的豬扒每一塊都沒有渣。飯的份量不算多，大食的人士可能不夠飽。忌廉湯沒什麽味，但很多配料。多士夠脆，並附牛油和果醬。咖啡夠香濃，配上的是咖啡專用的忌廉奶。芒果布甸正常老口味，配花奶更好吃。職員會先詢問客人需不需要配花奶。用餐後我們還坐了45分鐘，沒有人催促結帳。

🐑今時今日餐廳嘅餐具，已經好少又提供湯匙又提供飯匙，呢度真係萬中無一。🐑餐包係自家製嘅，上枱係暖嘅，好有誠意。🐑羅宋湯茄味好濃，酸度亦足，蔬菜味甜咁，肉味夠，但又嚟得相當平衡🐑焗豬扒飯係舊式嗰隻，冇加芝士，超有懷舊感。飯用蛋輕輕炒過，夠晒乾身，豬扒鬆化，先炸後焗，加埋鮮茄及茄汁，好開胃，成個飯唔使叫大火都得夠晒燶，合晒何車。🐑焗葡國雞飯好有椰香，重點係用兩隻靚雞脾起肉，嫩滑無比。🐑熱檸啡，而家好少餐廳有，好少人叫，亦都冇乜人識叫，檸茶飲得太多悶悶地，試下轉飲下檸啡吖，都好Refreshing㗎🤩🐑啫喱識得食，梗係食黑加侖子啦，仲要多花奶喎，咁先係極品嘅享受。

係啊 好耐無出港式舊扒房系列喇當日係平日中午 入座率估唔到都有八九成大部分都係上左年紀既叔叔嬸嬸而我同朋友 好似係最後生 haha午市套餐 - 餐包 紅/白湯 飲品 甜品 ❙ $138餐包零熱度 少少粗嚡 後來靈機一觸用黎蘸咖喱 即刻好食左蘑菇湯好稀好水 無咩味 唔掂餐湯我一定係揀羅宋湯 料好多 有胡椒香 比白湯好飲好多倍甜品係啫喱及芒果布甸選擇 表現正常 懷舊感重⍥ 咖喱鮮牛肉配飯咖哩有好多種 而呢到係偏向巴基斯坦果種香料 帶有辛辣刺激感 牛肉片份量足 亦好夠嫩 有咖哩餸飯實唔會輸⍥ 煎薄牛扒配薯菜話就話薄煎 但又唔算好薄 質地幾稔需要咬下 但唔會比鬆肉粉拿到無晒質感 雖然有濃濃既黑椒汁 但蓋唔過肉肉香 薯角有溫度 有少量白烚瓜呀菜呀粟米都有簡單調味 我地覺得幾有誠意

年初五🍊🧧新正頭一定幫襯返一次名寶石💎貪佢個名幾富貴🧧🍊🔸️周打魚湯去名寶石唔洗揀羅宋湯或者忌廉湯一定要揀周打魚湯湯料又多配埋多士好正🔸️香煎豬扒·三文魚扒兩款都煎得好香口份量唔細豬扒同三文魚扒唔會鞋口🔸️香煎肉眼扒想要5成熟最後生到切唔開咁滯呢個幾失望😮‍💨🔸️芒果布甸/啫喱港式西餐一定有嘅童年甜品🍮🧨年已過完聽日一切回復正常~#名寶石餐廳 #旺角美食 #港式西餐 #hongkongfood

尋晚終於食到久仰大名嘅<名寶石餐廳>都近地鐵站，行一小段路就到。古典優雅嘅裝修，梳化位坐得好舒服。服務態度良好，女侍應健談有交流同朋友兩個人一齊到訪，叫咗一份西冷三成set同一份肉眼三成set，再加田螺薯蓉。餐包同忌廉湯先落枱，忌廉湯好飲，餐包就。。。之後飲品到，叫咗凍朱古力同凍檸檬茶。凍朱古力係用機打，上面有泡泡好好飲；凍檸檬茶有4塊檸檬，擺到好似玫瑰花咁主角到！！！！！！！西冷同肉眼都好厚好大份！正！田螺薯蓉好好食！！！！！！！！一定要試！！！！！！切一小嚿牛肉再加薯蓉一齊食，正！甜品一定要嗌芒果布甸+花奶！超好食！係細個去酒樓食個種味道

昨晚我造訪了名寶石餐廳，點了他們的招牌菜鵝肝牛排餐。這道菜看起來非常精緻，一上桌就讓人垂涎欲滴。鵝肝的香味與牛排的口感完美結合，每一口都帶來了美妙的享受。鵝肝的香氣迅速在口腔中散發開來，搭配上嫩滑多汁的牛排，讓人感受到層次豐富的美味。整道菜的配菜也很合拍，顯示出廚師的細心與用心。餐廳的服務員態度友善周到，環境舒適雅致，讓晚餐氣氛更加溫馨愉悅。總的來說，名寶石餐廳的鵝肝牛排餐給了我一個極致的美食體驗。不論是菜品的品質還是用餐環境，都讓我留下了深刻印象。我強烈推薦這間餐廳給喜歡老香港風味的朋友們，你絕對不會失望的。

一向都覺得啲嘢又貴又唔好食，不過因為老人家要求去食，勉為其難陪佢去，點知直插式瀨晒嘢！今朝個早餐簡直係難食！叫咗份煎石斑魚柳早餐，碟嘢嘅賣相仲衰過大排檔，最過分嘅係杯蘋果汁溝水溝到冇味，同佢哋講佢哋仲話係冇溝水，係純果汁先生，離晒譜🤬咁嘅價錢，行過隔離上新世紀酒店食都冇咁嬲😤

一心諗住試下，話晒老牌餐廰，點知………飯生嘅，又硬又凍，個意粉完全無味，唔知什麽白汁，完全唔知自己比幾百蚊食緊啲乜嘢，系得個環境叫做幾好情調， 服務態度都算唔錯，但唔食品質數系零

好耐冇了嚟過呢啲餐廳。 有一日朋友話想鋸扒， 喺旺角太子當中， 就揀咗名寶石這間懷舊扒室。呢間餐廳環境好似80年代港產片入面的扒室， 充滿住懷舊嘅味道， 餐廳嘅枱唔會擺到好逼， 氣氛一流。餐廳提供好多款食物， 一場嚟到梗係要試下 佢哋嘅牛扒， 我哋叫咗五成熟， 牛扒質地好嫩滑， 有好厚嘅粉紅色，好正， 配料又多， 值得推介另外仲試咗佢哋嘅魚柳， 份量好多， 覺得好脆口， 差啲食唔曬！最後仲試咗個甜品， 芒果布甸， 好滑！喺餐廳見到唔少一家人親朋好友食飯， 真係好適合一顆人聚一聚， 喺一片咁有氣氛嘅環境， 好舒暢！

叫咗肉眼扒，肉非常厚身，叫咗5成熟，唔洗點汁都已經好juicy勁好食，係我食過咁多扒房之中，名寶石係我最滿意既。本身我諗住叫多個小食，驚自己唔夠食，但已經好飽好足夠。服務態度同質素，無論係侍應去到經理，都係非常之有質素既禮貌同service，環境又舒服，都幾chill，非常之讚普通侍應見到客人有需要個陣，係好主動去service客人，我食完個扒都好主動同有禮貌去收碟，問我想飲咩同要唔要甜品，唔會怠慢客人。好耐冇食過一間QSC咁好既餐廳❤️

好貴？但其實係超值的：包2杯drinks+多士炕底, 所有牛肉入得口冇筋冇渣, 碗粉湯底飲完唔口渴, 長通粉彈牙用來當飲管吸完湯再咬, 菜有洗過菜根底冇泥, 磨菇新鮮有菇味,奶茶水靚茶滑要茶味有茶味要奶味有奶味, 員工有禮貌唔會小9客人,同埋9成9老香港冇"遊客", 地點優越加有閣樓由上而下睇太子道花園街, 仲有餐巾提供, 出面好多茶記冇㗎, 冷氣冇油溢味,咁多優點集合於一身$94唔貴了☝🏻👍🏻🥳

回頭度🍪8/10｜人均消費💰~$200-300-🤍黑椒牛柳 $288精選套餐係有埋餐包🍞餐湯🥘仲有飲品🍹同埋甜品🍮餐湯就揀咗羅宋湯 番茄味好濃旭🍅都有唔少蔬菜🥬點餐包好食牛柳好嫩滑無筋🐮牛味又重而且夠厚身🤤薯角好香脆🥔仲有小白菜同粟米🌽甜品就有啫喱同芒果布甸😋-整體味道🌕🌕🌕🌕🌗抵食🌕🌕🌕🌗🌑