上海一品香菜館 (已結業)

我個人好鍾意食醉雞，所以今次點了醉雞，醉雞好入味，但雞肉都好嫰，唔霉！爽爽既雞肉仲可以咁有酒味，其實我覺得好難得，出面好多時食既，都好似醃唔夠耐咁，出面酒味，入面冇味。另外點了青菜煨面，是我先生愛吃的面。每次必叫，是因為真的好多菜，感覺好清，又唔會淋到"將"住個口，入口感覺還好清新，間中吃得多肉，想轉一轉口味的話，這個應該是好的選擇。至於服務就冇乜咁特別，但我覺得老板娘有些古怪，當日有三個女人客，剛到，想坐某一張枱，佢死要佢地坐另一張一樣大既枱，後尾老板出黎話俾0個三個女人坐自己鍾意張枱！其實小事一單，但我諗極都諗唔明老板娘用意！古怪。不要望大好好SERVICE，但野食唔錯，為醫肚而食一餐，值得去既！