上海一品香菜館 (已結業)

點了紅油抄手、小籠包、醃篤鮮紅油抄手- 沒一個的肉餡只有食指第一指節這麼大，其他都是皮，人生第一次見識到，是不是太誇張！！拜託店家買冷凍抄手還有點良心吧！整盤無法完食，這一盤也太黑心。醃篤鮮- 沒味道，上面漂了一層噁心的油，裡面一堆五花咸肉塊、沒有火腿香氣、加上沒味道的配料，難吃極了，無法入嘴的程度。這種雜菜湯不能叫做醃篤鮮啊，怎麼會這樣濫竽充數呢？沒有鮮分、沒有味道，很像剩菜亂煮的一盆油水。小籠包是唯一能吃的東西，但也沒什麼可取之處。其他東西無法入嘴，趕緊付錢逃離這種可怕的怪店

舊式上海菜買少見少，所以如果見到有呢類嘅菜館都好鍾意幫襯。今次叫了小籠包、酸辣雲吞及薺菜肉絲炒年糕。小籠包係典型上海Style，皮會厚dd，不過都好食嘅。酸辣雲吞有驚喜，個酸辣湯湯底係舊式上海菜嘅味道，唔會好似衣家好多地方食到嗰D一味得個辣字，係咁落辣油嗰D，not my cup of tea。薺菜肉絲炒年糕都幾好食，薺菜出面主要都係上海舖先有得食，所以就叫薺菜。呢個炒年糕嘅油比想像中少，都幾好。整體黎講我覺得算唔錯。

想喺佐敦食上海菜，見到呢間店古色古香，又諗起觀塘果間一品香，於是就入黎試試。可能位於內街嘅關係，餐廳唔算太多人。我地無叫小菜，叫左四樣輕盈 d 嘅嘢食。1. 雞絲拉皮我最鍾意食雞絲粉皮。呢度嘅拉皮同出面嘅粉皮唔太一樣，煙煙靭靭，有咬口，麻醬份量岩岩好，配合青瓜同雞絲好好味！2. 擔擔麵初頭話要少辣，但點知其實都係唔辣。店家好細心預先剪斷左麵條，方面夾入口進食，好細心（朋友話係咪方便老人家😂）。麵質方面個人幾鍾意，而湯底就略嫌唔夠濃味，同好似落左啲醋，扣少少分。3. 炸銀絲卷賣相有少少燶邊，似乎炸嘅時候控制得唔太好。食落去外皮夠脆，口感比較似饅頭，少左 d 層次感。4. 小籠包最後一籠五個嘅小籠包加返分。雖然算唔上爆汁，但皮薄，肉餡嫩滑唔太過結實，加埋浙醋唔錯，價錢都抵。以一間鬧市中嘅上海菜館，價錢中規中矩，希望下次試下小菜再知實力。值得一提，姐姐好nice，叫佢轉電視台都冇嫌煩LOL

上次經過見菜式選擇唔多，所以就沒幫襯，今日想食上海菜，就走左入去試下呢間老店，點知失望而回。餐牌上有好多選擇，有點意想不到。仲要有個貓店長，老婆大喜，玩完貓先叫嘢食。本來想要鳳尾魚，砂鍋津白，小籠包，但一叫就話無鳳尾魚同埋薰魚，只好轉醉乳鴿，最後加多個豆沙鍋餅。先上小籠包，見佢個師傅係即包嘅，有啲期望，但個皮唔係太得，雖然係新鮮蒸好，但好似蒸左好耐咁，還好夾起都無爛，味道一般無乜驚喜，反而之後見到嘅嘢就令O晒咀，原來貓店長個架步就喺包小籠包嘅玻璃房入面，師傅呢頭摸完只貓，嗰頭就去包小籠包，我估呢次食嘅一定會係貓毛小籠包。跟住上砂鍋津白，大窩，菜面有蝦仁火腿，火腿大塊仲幾厚身，蝦仁就真係經典，條蝦腸入面啲屎就好似啲綑邊手指甲咁，算啦，到食落口原來都係玻璃蝦仁，得個爽字，乜蝦味都無。問題係成個津白都係好淡，無落鹽一樣，連上海舖最應咸嘅配料雞肉豬肉都係咁。最後等左好耐先上醉乳鴿，擺盆好靚，乳鴿要切片，入口覺得酒味都夠，皮都脆，但都係同一個問題，好淡，擺盆靚都無用。最後加左個豆沙鍋餅，好油，皮唔夠脆，最後一件好似油浸咁，放棄左。只可以說，無下次

一品香菜館，當年紅極一時成行成市，記得中學時一個回鍋肉客飯套餐，簡直是我至愛 ，有時窮起上來一個小菜、一個例湯和兩碗小白飯，兩個同學一齊分享價錢廉宜。(學校附近那間已經結業) 但這間我最少都幫襯了近廿年，聽說開業至今近四十載，沙士時翻新裝修過，裝修比不上新一代上海菜館典雅華麗，亦沒有大品牌服務專業，但有一份不拘小節的親切態度，甚至乎整潔衛生，都須要像舊時食飯之前，用滾水浪下碗碟嘅習慣才感覺乾淨，但實惠嘅價錢，就好似係味道一樣回到年少時。吃的亦可能及不上新一代精緻考手、皮薄餡靚多汁、小油走味精，但傳統快要失傳嘅煮法，溫情嘅小店，大家是否都想，給一些連鎖店舖完全取代呢？？？？？香港營商環境和加租幅度，這種老店買少見少，就好像媽媽手藝一樣，吃的不止「形式香味」，而是一種感覺，是種兒時的味道。

是日午餐一支公，口淡淡，悶悶地，行下佐敦。第一次來這邊內街，看中了這間門面一般，但也有些客的上海飯店。坐下來看餐牌，客飯唔啱心情食，便叫了個雞火湯麵，心諗必然穩陣啦，點知...賣相正常，味道一般。湯似開麵水，麵身不夠爽，雞件肉味正常，還可以，主角之一的火腿卻帶有酸宿味，咬下去，感覺難受，立即想吐。同場加映，杯碟筷子污糟，可幸店員服務尚可。不過，換左餐具，唔記得睇清楚壺熱水，兩杯清水飲下，再斟後，就有發現：

和家人同佐敦吃飯，然後行經過他們説這間餐廳是老字號，所以便決定在這裏吃晚飯。初進門口時覺得環境不太漂亮，不過老字號只是名字也勝出了吧。然後我上了openrice，看到食評也不太好。但我吃完覺得是不錯的，價錢也不貴。值得去試一下。我們當天點了套餐A和B再加一個担担麵。整體好味架。熱度都十足，服務態度都唔錯，我地4人佢俾大枱我地。食物方面有驚喜架，我推介蝦仁炒蛋、咕嚕肉、紅燒豆腐同冬菇津白。下次一定要試小籠包同雞絲粉皮。

同朋友喺附近游完水之後諗住周圍搵下嘢食，見到呢間上海菜館睇落好似好傳統咁，餐廳門口會見到位老師傅好用心喺度包小籠包，就入咗去食。估計呢間菜館應該開咗好多年，小籠包的確皮薄多汁，有老師傅操刀包嘅小籠包果然係有質素保證。不過食完小籠包之後惡夢就開始，本身叫咗一碟上海炒年糕同埋回鍋肉，點知上菜嘅時候黎錯咗碟上海粗炒，我要求換返正確嘅小菜，點知服務員佢唔肯同我換，就話都炒左俾你啦，一係你自己另外再加回鍋肉，咁我得兩個人邊食到咁多野就梗係唔制，經過一輪理論之後佢就死死地氣收返碟上海粗炒，然後等左成半個鐘先至有碟回鍋肉，仲要冇乜肉，而且非常鹹令人失望。

舊式上海菜館買少見少，所以呢間係佐敦嘅老店間中都會幫襯一下。老老實實，其實佢啲嘢唔算好食，質素只屬於普普通通，不過就係有嗰種懷舊嘅味道，令到我間唔中就想幫襯一下。黎得呢間鋪頭，通常都係叫嗰幾樣野，當中包括小籠包、上海粗炒麵、雪菜肉絲炒年糕、松鼠魚、菜肉雲吞、炒鱔糊。咁多樣嘢之中，上海粗炒同炒年糕水準基本上都冇乜大變動，好食。至於個松鼠魚同埋炒鱔糊，價錢越嚟越貴份量越嚟越細，冇計啦，物價上漲，炒鱔糊還算好，但係唔知點解，總係覺得條松鼠魚細咗就冇咁好味，可能啲肉少咗，令到個汁扣番啲肉嘅感覺少咗，冇咗啖啖肉嘅感覺，於是就冇咁好食。小籠包方面，佢個皮係厚嘅，如果你鍾意食薄皮小籠包，咁呢度就唔啱你。最後值得一提嘅就係佢嘅酒釀丸子，我食過好多地方嘅酒釀丸子，覺得依度嘅水準唔錯，大家可以一試。另外，佢個豆沙鍋餅都好食㗎。

尚記得小時候，很喜歡往區內的舊式上海菜館吃晚飯，當時區內有兩間，但大部份時間也會鍾情其中一間，也不知道過了多久，兩間食店也消聲匿跡了，直至最近，發現這所裝潢老掉牙的她，名字與小時候吃過的店名相同，且來嚐嚐是否兒時的味道吧？鮮肉小籠包這款小吃幾乎是每次到京川滬食店必點的項目，要做到皮薄又要保留湯汁，相信不是易事，這裡的皮尚算薄，不過湯汁略嫌少了點。奶油津白又是出場率極高的菜式，就算有數款津白的配搭，到最後，也是會很自然地點選她的，幸好奶味不算太重。酸辣湯一個吃不了太辣的在下竟然想挑戰這個，簡直是大新聞，這次輕易地挑戰成功，皆因她不太辣也不夠酸啊。蔥爆牛肉以前不懂欣賞蔥蒜的吸引，但原來慢慢長大後，口味是會轉變的，惹味的醬料配上嫩滑的牛肉已很好吃，而大量的京蔥及洋蔥更是把滋味提升不少，其實在這道菜裡，她們才是主角呢。排骨湯麵上海菜中稱為排骨的，其實是咱們的豬扒，這裡的軟綿中帶少許酥香，麵條淋了少許，湯底看似很深色很濃香，啖之也不錯呢。

香港最正宗的老字號（上海一品香菜馆）有四十多年的历史，可以吃到旧时侯家的味道。怀旧风格，大厨的手艺真是不错，这么多年都是保持不变和根据顾客需求来加工，值得信赖和赞👍👍👍。

今晚在佐敦吃了一頓幾難食的上海菜，明明有幾間偏偏試間upupdupdup的上海一品香。入去前看到店內都有一定人數在食飯就決定試吓。裝修無，唔緊要，破舊，無問題，但部冷氣出風有異味，就好影響成餐飯，一路食一路索到怪味。是夜點了小籠包、上海粗炒、賽磅蟹 及 鱔糊客飯。小籠包皮厚是老店特式，但厚得來一夾就裂，肉不大香如泥得少少汁，55分。上海粗炒炒功合格，但色和味欠了點，60分。賽磅蟹炒功仍合格但無調味咁，可能預我落醋，但我是唔落醋的一位，雞白滑而蛋唔香，在無嘜調味下唔香，即淡而無味，60分。鱔糊客飯，兒時成日食。湯預左唔好飲，正常，但鱔糊連少彈的質感也沒有，恐雪了幾個世紀咁，鱔糊個汁卻不大對味，得個芽菜正常，連個飯都無飯香，質又散又濕，點呀～連米都差成咁，30分。最後埋單$250多，食連鎖快餐都好食過佢。死因是食材太差，廚師功夫合格，雖淡口，但收咁的價錢食材卻差到咁就唔得。食到成肚氣去openrice望吓，8個ok 7個唔ok，過埋今晚會有8個唔ok架啦！

今日約左幾個好耐冇見的朋友出來聚下，揀左佐敦德興街上海一品香菜館，四個人去食晚餐。雞絲粉皮好味，尤其是麻醬炒鱔糊客飯都吾錯，星期一至四7:30pm前供應，雖然份量少但好夠味。上海粗炒和小龍包就不過不失，而雲吞雞的雲吞就太細粒，湯味道還可以。

睇完電視介紹上海本幫菜就好想去食，近年已無乜傳統上海菜館了，醒起佐敦道仲有一間，雖然無華麗嘅裝修，但有傳統上海菜館嘅風味，可以品嘗返兒時嘅味道。酸辣湯有豆腐絲、木耳絲、冬菇絲、筍絲、豬皮等材料十足，酸辣度及稀結度都調教得剛好。炸銀絲卷新鮮即炸，當然好食到無得彈，原本店員話無晒銀絲卷，全靠老闆娘出馬叫廚房整，我地才有得吃！炒油燜筍，筍用材新鮮，加上廚師炒得夠鑊氣，確實好味。炒鱔糊客飯，除左炒鱔同樣夠晒鑊氣外，老火合掌瓜湯亦飲得出無落味精，同住家靚湯一樣。菜肉雲吞，上海雲吞用豉油湯水，係傳統上海菜嘅做法，好懷念啊！雲呑包得皮薄菜多，十分好味。

昨晚一行六人因為想食上海菜，其中有朋友建議話這間老牌上海菜，就試了。叫了一個六人餐再加上一些飽點，冷盤。食物好咸，真係好咸，雲吞雞，炒蝦仁，各種都炒到好咸，最正常係楊州炒飯。全程老闆同老闆娘都勁黑面，無禮貌，好聲好氣問想要個鐵匙羹，佢發老脾地掉下兩個匙羹俾我地，真係O左咀，埋單一千元多點，無什麼菜品可推介，反正無下次，照片也懶得影。