福丸水產 鉄板燒 日本料理 (已結業)

今日嚟到荃灣楊屋道街市後面新開嘅福丸水產 朋友食過極力推薦 話呢度海鮮新鮮程度同埋風味比美日本 巨峰汽酒同蘋果汽酒 兩款果汁味道都好重而且有啲bubbles易入口 酒味唔重 但係飲多少少都有幾分醉意 啱曬女仔 燒魚同燒豚肉棒魚 燒得好乾身 而且魚味好濃 不過有少少骨食落要小心燒豚肉棒 外面甜甜地 脆脆地 入面係豚肉混合咗洋蔥同埋爽口嘅蔬菜 食落一啲都唔漏 伴碟有塊好靚嘅紅楓葉 賞心悅目 牛油果軟殼蟹卷 牛油果同軟殼蟹係絕配 軟殼蟹炸得脆卜卜 而且鮮味十足 加上牛油果嘅軟滑 入口即溶 到咗朋友十分之推介同萬眾期待嘅燒物 仲會有店員主動幫你燒牛油燒帆立貝 帆立貝差唔多有 三隻手指咁大嘅直徑 上面有件薄薄嘅牛油 放落磯燒網上面 店員再喺上面加啲海鮮豉油 燒一陣有得食 熟咗唔會縮水 而且肉質嫩滑好鮮甜 燒鮑魚真係好有驚喜 不過我覺得有少少殘忍 因為隻鮑魚上枱仲郁郁下 放上網上面郁得仲犀利 真係十分新鮮 鮑魚燒起咗一啲都唔un 好爽口 加上面頭燒到朝朝香香 配搭上原有嘅鮮味 真係好好食 黃金蟹膏甲羅燒 甲羅燒每次去親日本都食返幾隻 因為嗰浸蟹膏鮮味 真係好令人回味 不過返香港又要節衣縮食 估唔