山椒拌麵 $120
節日限定的拉麵拌麵，配料豐富，蔥花、木耳、椰菜絲、溫泉蛋，仲有兩片大大塊炙燒叉燒！自家製山椒醬汁好出色，麻香中帶微辣，撈勻所有材料一啖食落去，好有層次感！
黒龍豚骨拉麵 $98
湯底呈奶白色，濃郁得來唔會過鹹。直身拉麵掛湯能力一流，每啖都食到豬骨精華。叉燒軟嫩，整體水準好高。
雞皮餃子 $38
用雞皮取代傳統餃子皮，外層炸到金黃脆口，包裹住滿滿嘅肉餡，好juicy!
章魚燒 $38
外層粉漿烤得薄脆帶微焦，內裡保持濕潤軟糯，加上秘製醬汁、沙律醬同大量木魚碎，幾有風味。
燒魷煎一夜乾 $58
「一夜乾」做法將魷魚鮮味濃縮，風味十足，入口煙韌有嚼勁，鹹香惹味，送酒一流。
炸雞 ($38)
即叫即炸，外層炸漿薄身酥脆，內裡雞肉保持超嫩滑多汁！
1
