樂天皇朝 (雅蘭中心)

營業中

休息中

食過銅鑼灣既樂天皇朝，樣樣都唔錯。今次試旺角呢間，試埋其他餸菜。小籠包必叫，無得輸，我喜歡原味多啲，其他味道既顏色小籠包，例如黑松露、人參、麻辣、蟹粉、蒜香都係顏色既分別，都唔係好食得出。必叫葱油餅，好鬆化之餘，香濃葱味，唔太膩，好好味。試左李白醉鷄，鷄肉好入味，但略花雕未夠香。酸辣湯未夠正宗，淨係得個辣字，酸味可以重啲，而且份量好細，一人份吧; 擔擔麵竟然仲辣過酸辣湯，而且無乜花生醬同麻醬味，其實麵身做得好好，嘥左。紅燒肉望落好靚，但係得層皮林，肉好鞋。除左一位男侍應，瘦瘦無戴眼鏡既係有做到優質服務外（佢好後期先serve我哋張枱），其他三四個serve過我哋枱既女侍應都係勁差，目無表情，問下有無碗仔俾小朋友，好不耐煩咁問番你要幾多隻。張枱唔夠大，明明無晒位上菜，佢哋都唔埋你照上，要我哋自己執個位俾佢放。想叫人加茶水，頭望望都無人理你，佢哋做佢哋嘢，noun of my business樣。餐廳放左好多心思係裝修，食物碟碟都好精緻，唯獨服務點解可以做到咁！？可惜。