花火洋食 (已結業)

All day breakfast A1 班尼迪蛋（$118）熱咖啡（$0）加配美式炸薯條（+$18）都頗有份量。有兩件用日本蛋整嘅班尼迪蛋，再配以煙三文魚，蛋味濃，煙三文魚咸，英式鬆餅脆，味道不錯；香草腸味道正常，但室溫；大啡菇 juicy；沙律菜配黑醋夠開胃。熱咖啡啲奶係暖的，細心。炸薯條係即炸，不是脆卜卜那類，但粗薯條還算可以。Set lunch F 香煎豬扒配和風胡麻汁意粉（$68）凍檸茶（+$3）午餐有餐湯（蕃茄薯仔湯，但好稀）。豬扒意粉比預期中好食，原因嗰塊豬扒（其實係兩塊，一大一細），唔似煎，似烤過，因為食到微微焦香味，烤得好靚，而且塊豬扒一啲都唔嚡，另外用嚟醃味嘅醬汁都幾入味，我好欣賞。意粉正常，最緊要仍有咬口唔糊口，撈埋胡麻汁，再加埋芝士粉同黑椒粒，味道層次提升。PS：自助 scan QR code 落單。不收加一。收現金、八達通，滿$300可簽卡。