影片
更多
2021-11-18
130 瀏覽
近幾年行山見得最多嘅狗，除咗柴犬之外，就可以話係哥基。之前睇雜誌同埋網上都介紹過話老闆係愛狗之人，所以見到佢舖頭入邊嘅裝修都用咗哥基犬為主題，好可愛。星期三嘅晚上餐廳入邊都坐到座無虛席，好熱鬧呢！不過呢個係可以理解嘅，$300幾左右，滿足你三個願望，可以雞煲、刺身同埋火鍋。雞煲落單之前，店員會想問你要咩辣，我哋叫咗小辣。見到佢個雞煲有好多芫荽、芹菜、辣椒、蒜頭、薑塊等，望見都覺得佢好惹味。上台之後店員亦都介紹咗點樣煮，因為啲雞件係生嘅，所以係要慢慢咁樣煮熟，每次炒後焗2分鐘，總共焗四次，8分鐘之後就可以享用。煮熟咗後嘅雞件亦都保持非常嫩滑，而且好入味。而且仲會跟埋豬皮，魷魚，牛柏葉，三樽食物都好襯呢一個雞煲，因為醬汁濃味杰身，可以掛喺呢一啲肉類上邊。日式刺身拼盤簡簡單單嘅刺身拼盤都有五款選擇就包括三文魚、希靈魚、帶子、鯛魚、牡丹蝦。款款都新鮮甜美，而且厚切，令到口感滿足。海鮮方面亦都有扇貝、蜆、龍躉、生蠔、蟶子，非常豐富。真係樣樣都新鮮！最鍾意係龍躉肉喺湯底入邊滾兩滾就食得，肉質結實甜美。蟶子都非常出色，煙un，愈咬愈釋放其甜嘅味。本地手切牛肉呢一個牛肉亦都肥瘦適中，食起嚟帶有牛香及油
之前睇雜誌同埋網上都介紹過話老闆係愛狗之人，所以見到佢舖頭入邊嘅裝修都用咗哥基犬為主題，好可愛。
星期三嘅晚上餐廳入邊都坐到座無虛席，好熱鬧呢！
不過呢個係可以理解嘅，$300幾左右，滿足你三個願望，可以雞煲、刺身同埋火鍋。
雞煲
落單之前，店員會想問你要咩辣，我哋叫咗小辣。
見到佢個雞煲有好多芫荽、芹菜、辣椒、蒜頭、薑塊等，望見都覺得佢好惹味。
上台之後店員亦都介紹咗點樣煮，因為啲雞件係生嘅，所以係要慢慢咁樣煮熟，每次炒後焗2分鐘，總共焗四次，8分鐘之後就可以享用。
煮熟咗後嘅雞件亦都保持非常嫩滑，而且好入味。而且仲會跟埋豬皮，魷魚，牛柏葉，三樽食物都好襯呢一個雞煲，因為醬汁濃味杰身，可以掛喺呢一啲肉類上邊。
日式刺身拼盤
簡簡單單嘅刺身拼盤都有五款選擇就包括三文魚、希靈魚、帶子、鯛魚、牡丹蝦。款款都新鮮甜美，而且厚切，令到口感滿足。
海鮮方面亦都有扇貝、蜆、龍躉、生蠔、蟶子，非常豐富。真係樣樣都新鮮！最鍾意係龍躉肉喺湯底入邊滾兩滾就食得，肉質結實甜美。蟶子都非常出色，煙un，愈咬愈釋放其甜嘅味。
本地手切牛肉
呢一個牛肉亦都肥瘦適中，食起嚟帶有牛香及油脂香！
三色手打丸
做得好唔錯，粒粒彈牙爽口，而且真材實料。墨魚丸，你係食到一嚿嚿嘅墨魚粒係入邊。佢個芋頭豬肉丸亦都好香，豬肉丸入邊包住芋頭蓉，糯軟香味勁！餃子細細粒，但餡料十足，皮夠薄，食多幾粒都唔會太飽。
魚皮、紫菜響鈴卷同埋山根
好揼本，紫菜響鈴卷比起普通響鈴卷出邊都賣貴好多。淨係睇呢一碟炸物都知道佢所有食物都係求高品質嘅！
甜品
食到咁飽估唔到仲有甜品送，一客嫩牛奶蛋白係用心選擇，唔係就咁比杯雪糕你了左件事，係真正感受到店主嘅用心。
飲品有兩大個雪櫃，自己鍾意飲咩都可以飲，多選擇都好健康，有一啲養生嘅茶去等啱晒女仔！
張貼
