影片
更多
2018-07-16
181 瀏覽
觀塘越嚟越多好嘢食，今日行完街買完出口平貨，轉個彎就俾我同愛人見到呢間裝修靚靚嘅餐廳，餐廳連接新穎商廈大堂，樓底高且開揚，處於獨自一閣，坐位舒適，食物及服務都優質，唔係講笑，係近期少見，有心又有實力嘅食肆；Grilled tuna salad with ginger pear dressing $88新鮮、好食、大碟，啤梨及薑打成嘅醬汁，同新鮮蔬菜一齊食好夾，最欣賞佢哋用風乾機自製士多啤梨乾及甜橙乾，食出鮮水果香；Grilled Salmon Fillet $142用香料慢煮三文魚，上碟前煎香外層，陪襯滑滑菠菜薯蓉，口感一流，連小小自製羅勒醬我都唔放過，全碟無多餘醃料，所有食材新鮮至能做到，食到原汁原味；White Wine $68專業有禮嘅侍應幫我上左杯2015年澳洲Chardonnay ，配合吞拿魚沙律及三文魚，令全餐提升享受度；US Prime Rib Eye $184肉與膏分部平均，膏薄唔膩，濃郁牛香，有一個飽滿焗蒜頭作伴菜，有心機又有心思；Americano $36採用哥斯達黎加咖啡豆，唔太懂咖啡嘅我，都可以聞與飲到唔同層次；Tiramisu $58必食之選，咖啡係用返佢哋
Grilled tuna salad with ginger pear dressing $88
新鮮、好食、大碟，啤梨及薑打成嘅醬汁，同新鮮蔬菜一齊食好夾，最欣賞佢哋用風乾機自製士多啤梨乾及甜橙乾，食出鮮水果香；
Grilled Salmon Fillet $142
用香料慢煮三文魚，上碟前煎香外層，陪襯滑滑菠菜薯蓉，口感一流，連小小自製羅勒醬我都唔放過，全碟無多餘醃料，所有食材新鮮至能做到，食到原汁原味；
White Wine $68
專業有禮嘅侍應幫我上左杯2015年澳洲Chardonnay ，配合吞拿魚沙律及三文魚，令全餐提升享受度；
US Prime Rib Eye $184
肉與膏分部平均，膏薄唔膩，濃郁牛香，有一個飽滿焗蒜頭作伴菜，有心機又有心思；
Americano $36
採用哥斯達黎加咖啡豆，唔太懂咖啡嘅我，都可以聞與飲到唔同層次；
Tiramisu $58
必食之選，咖啡係用返佢哋自家配製咖啡，cream好滑，甜味唔重，所以食完唔大罪疚咁；
Double Chocolate Mousse with Coffee Panna Cotta
朱古力濃而且滑，有兩層唔同口感嘅Chocolate Mousse，係全餐完美嘅句號。
張貼
