極上帝王水產

營業中

休息中

1月2日 星期一 晚上其實野食就正常嘅，食放題都預咗重量不重質，但服務態度有待改善。好早就巳經訂咗位，但係餐廳同事安排我地同另外幾個唔識嘅人位分一張8人大枱，枱中間得一塊板。枱同凳之間嘅距離唔多，好迫肥少少都坐唔落；仲要係同唔識得嘅人分享一張長凳，啲私人物品都唔知點放好。之後我哋主動問餐廳同事可唔可以坐卡位，過咗好耐先至話俾我哋調過去，不過落咗單嘅嘢食全部取消要再落過⋯ ⋯要等完又等無奈嘅係食到完為止間餐廳都冇坐滿過人，依然有三分之一嘅枱係空。咁點解唔一開始就俾人客人坐得舒服啲？再之後食食下野，有個頭髮長長嘅男同事係咁怪叫之後大笑，完全唔知佢做咩。咁打份工想開心都可以嘅，雖然有小小似低智人士控制唔到自己，但佢開心就好了。但係掛住挽唔做野就真係理解唔到，叫咗幾次唔該都無人理，仲要好似小學生咁，兩個女同事向左行個長髮嘅男同事就跟上。幾多歲啊，返工跟住女仔行又唔理客？仲有一個男同事都係出色嘅！佢介紹野食個時個口好似張唔開咁，好自信咁係咁講，但其實冇人聽得明佢講咩。之後我哋有人出聲話聽唔清，但係佢已經掉頭走咗。完全無解。咁其實員工質素如何，都係公司安排問題，我覺得打工嘅人都唔會考慮到公司形象。