影片
更多
2021-11-01
1710 瀏覽
因為萬聖節諗住早啲出去食嘢，之後夜晚去感受下氣氛，喺尖沙咀新開左黑木亭分店，一直都想去食，Halloween 終於book左去食估唔到Halloween 食日本野都有驚喜 除左門口有Halloween既佈置 連d staff都帶晒頭飾 夠晒氣氛我哋一坐低就叫咗三點刺身盛，啲刺身勁厚切同好新鮮之後叫咗免治雞肉串，篤穿咗個蛋黃之後溝埋一齊食，超級鍾意另外叫咗一串燒白鱔，白鱔就不過不失啦，塊皮都夠脆既。因為未夠飽，所以叫多咗個加州卷，佢個加州卷上碟幾得意，師傅放到成條橋咁，食落去堆配料都幾夾。最後試埋佢個日本產A5和牛魔方（120g)，個和牛好重牛肉味，肉質鬆軟得黎又唔會無左口感，唔會好似啲平價牛咁樣要咬多幾下，油脂分布得岩岩好，每食一舊都覺得好滿足野飲就叫咗兩杯，分別係北海道士多啤梨牛乳乳酸，入面有啲士多啤梨肉感覺幾清新另外嗰杯叫咗蜜桃烏龍熊茶，杯上面隻熊仔好可愛，杯嘢飲酸酸甜甜咁幾開胃
因為萬聖節諗住早啲出去食嘢，之後夜晚去感受下氣氛，喺尖沙咀新開左黑木亭分店，一直都想去食，Halloween 終於book左去食
估唔到Halloween 食日本野都有驚喜
除左門口有Halloween既佈置 連d staff都帶晒頭飾 夠晒氣氛
我哋一坐低就叫咗三點刺身盛，啲刺身勁厚切同好新鮮
之後叫咗免治雞肉串，篤穿咗個蛋黃之後溝埋一齊食，超級鍾意
另外叫咗一串燒白鱔，白鱔就不過不失啦，塊皮都夠脆既。
因為未夠飽，所以叫多咗個加州卷，佢個加州卷上碟幾得意，師傅放到成條橋咁，食落去堆配料都幾夾。
最後試埋佢個日本產A5和牛魔方（120g)，個和牛好重牛肉味，肉質鬆軟得黎又唔會無左口感，唔會好似啲平價牛咁樣要咬多幾下，油脂分布得岩岩好，每食一舊都覺得好滿足
野飲就叫咗兩杯，分別係北海道士多啤梨牛乳乳酸，入面有啲士多啤梨肉感覺幾清新
另外嗰杯叫咗蜜桃烏龍熊茶，杯上面隻熊仔好可愛，杯嘢飲酸酸甜甜咁幾開胃
張貼
