潮廳

營業中

休息中

週末weekend brunch已經試過幾次，之前亦都寫過食評，今日再嚟，每次嘅Menu都有少少唔同，但係質素依然，性價比高，早兩個鐘頭book枱，好在都book到，準時到達，安排房間嘅一張細枱，開完茶之後，就冇人理我哋，因為喺房裏面，又好難得到侍應嘅注意，最後都嗌到個侍應來，好快點完餐，之後侍應嘅服務就殷勤咗好多，每隔一段時間都會嚟巡吓，服務一流，嘢食好快就上枱，其實慢少少都可以，食得有啲趕，不過食物嘅質素真係一流，不油不膩，尤其是係呢度嘅炸物，你唔會見到碟底會即左啲油，例如腐皮蝦卷、椒鹽九肚魚、蝦蟹蜜棗食落去亦都好鬆脆，蠔仔粥好足料，夠鮮味，綠豆爽甜而不膩，好清香嘅感覺，整體材料新鮮，手工精緻，環境舒適，真係嘆茶嘅一個好地方！