9
2
0
港鐵中環站 K 出口, 步行約3分鐘 繼續閱讀
電話號碼
25268798
開飯介紹
餐廳環境寬敞,裝修走華麗的懷舊風。餐廳主打正宗的潮州菜,包括潮式甜油粿、懷舊糯米卷等。 繼續閱讀
營業時間
今日營業
全日休息
星期一至六
12:00 - 16:00
星期日
全日休息
公眾假期
12:00 - 16:00
公眾假期前夕
12:00 - 16:00
付款方式
Visa Master AlipayHK 支付寶 現金 AE 銀聯 JCB 微信支付
座位數目
120
其他資料
網上訂座
Wi-Fi
酒精飲品
VIP房
電話訂座
賞訂座積分
加一服務費
當面支付
有關獎賞計劃
招牌菜
潮州大凍蟹 堂灼响螺片 糖醋雙麵王 反沙芋頭條
食評 (22)
等級4 2020-10-13
365 瀏覽
在openice 訂枱,今天變咗星期一,2位變3位,係自己鬼黯眼,就順住,隨缘,請太陽食,環境裝修,有大上海,華洋風裝飾,吊扇,彩色玻璃,皮椅,銀壼……可發夢,紳士,千金小姐,大少來地方。先來潮皇炸大餅$69,估唔到咁好食,外脆香,跟住內軟噴煙軟麵粉,再掐開,白蘿蔔條爽香,蝦米調味,滋味,好好味。跟着,生拆蟹肉韮菜盒$99出場,脆硬穌皮吸引,香,內包一層韮菜汁做薄粉皮,再包飽滿蟹肉,鮮甜,滿足。高潮,菊花石榴雞$198,賣相夠美,芹菜條扎蛋白皮,皮薄而有質,香,包雞粒菌,鮮嫩,而不破,挺身,忌廉蛋白汁香滑,味吸引,飲埋,不膩。煎蠔酪$168,蛋香,煎焦香,微燶,葱及菜吊起蠔仔鮮味,但未到我要求。糖醋麵,一面煎脆香,及格,合符水準,可能已太飽,未覺特别,剩下取走。 繼續閱讀
(以上食評乃用戶個人意見 , 並不代表OpenRice之觀點。)
今日小編趁中午去pure yoga做運動、保持恆常運動人都精神d後生d做運動之前order左呢間外賣自取,透過op落單用TA20L有減20元優惠,真係好抵食,可能因為d人多左堂食、就算我12:15至落單個優惠名額都未滿,好彩o者未試過呢間既,唔知👌🏽唔👌🏽不過佢地既午市套餐好抵食、都係108元有一碗娃娃菜、一碗魚蛋粉再有一份蝦蟹棗(有兩粒)對於女士黎講份量剛剛好,小編我都一次過食唔曬要分兩次食蝦蟹棗好好味不過可惜冇吉油比我🉐️d甜甜地既🈶️少少似吉油既醬,另外佢地配埋鹹酸菜、辣椒油仲有花生真係好體貼魚蛋夠彈牙不過湯底唔👌🏽、好似清水咁呢個真係絕對敗筆娃娃菜好入味好味道、唔老唔生、不俗米粉都幾爽口、食完唔會覺得好滯咁,辣椒油係傳統潮州辣椒油真係好好好正總括黎講,88元食到呢個套餐真係真心抵!回頭指數高但小編略顯佢比較清淡 繼續閱讀
(以上食評乃用戶個人意見 , 並不代表OpenRice之觀點。)
等級6 2020-06-12
2306 瀏覽
繼早兩個月前美人姐姐介紹過「唐人館」推出抗疫三大優惠後,上星期迷人uncle就揀咗喺同集團旗下嘅「潮廳」設宴款待肥肥家族。據悉,潮州菜館一樣可享全單七折(外賣都有!)及免收開瓶費,而特價菜式則有$498一隻嘅「潮州凍龍蝦」。位於中環嘅高級中菜廳由正門中英並齊嘅金漆招牌到室內裝潢都帶有濃厚嘅西洋風味,設計風格明顯同姊妹餐廳無異。於接待大堂排隊等候量度體溫時,發現牆上掛上不少香港舊照,真係想唱返首「舊日的足跡」。用餐大堂樓底高高,光線柔和,格調典雅。七人晚宴被安排於廂房內進行,寬敞闊落,厚墊椅櫈亦十分舒適,私人空間及空調都好足。貼身嘅服務都好唔錯,唯一斟酒速度唔夠快,不時都要主人家自己黎,莫非這就是免收開瓶費之代價?!XO仔慣性早到,可以盡情四周拍攝之餘,仲可以慢慢研究餐牌。厚本餐牌首頁先為總廚作出簡介。散點菜式分類列出,全為中英對照,並附有彩圖參考。眼見網上嘅記錄並不齊全,小弟先喺度發佈。尾頁為附加項目之收費表,包括茗茶、醬油、白飯等。美人姐姐早已為派對訂好九大簋菜單。白色枱布上嘅自用及共用餐具齊備,連口罩紙袋都有,衛生意識極強。餐巾以金線繡出店名,矜貴得很。潮州凍龍蝦(抗疫優惠價$498/隻):橙亮嘅凍龍蝦擺盤精美,碟上每片龍蝦肉均已去哂殼,厚身得黎雪白爽彈,點上甜甜嘅秘製柑桔油更覺鮮香,抗疫優惠不容錯失。滷水鵝片、掌翼、鵝肝拼盤:滷水鵝片鬆軟入味,小肥一向怕骨所以冇試到啲掌翼,不過第一刻夾上鵝肝時,隔住筷子都即可感覺到靚肝柔軟嘅質感,入口更加係香潤滑溜,食夠三件都毫不膩口,正到可以話係細佬食過最正嘅滷水鵝肝呀!鮮炸手打蝦丸:如相所示,熱辣辣嘅炸蝦丸並無黏上厚厚嘅炸漿,咬落爽脆有彈性,清甜香口,而且一啲都唔油膩,送酒一流。普寧灌章($69):原來所謂「普寧灌章」亦即潮州蘿蔔糕。菜式煎得好夠乾身,外層香脆,半透明嘅蘿蔔糕則煙韌中帶點爽脆,輕巧易入口,十分討好。百寶冬瓜盅:冬瓜盅相當足料,冬瓜半爽半腍,湯底集齊海鮮及火腿之鮮味,芳香甜美。香煎蠔仔酪($168):蠔仔酪薄就夠薄身,個人只係略嫌餡中嘅蠔仔唔夠肥潤,而且份量偏少,係整頓晚餐最失色嘅一道。陳皮蒸方脷:餐牌上冇列出嘅方脷係主人家托經理Anson哥哥專登搵嘅,魚肉幼嫩軟滑,以陳皮蒸煮更能突顯靚魚嘅鮮甜。香酥荔茸鴨($188/八件):潮州名菜荔茸鴨外表金黃,第一口咬落去極之酥化,第二口則食到荔茸嘅香軟,鴨肉亦軟潤可口,名店嘅功夫菜果然冇甩拖,堅掂!魚蛋浸汕頭白菜:煲內嘅魚蛋每隻均白雪雪、脹卜卜,鬆軟爽彈,半帶脆口;翠綠嘅紹菜有爽有腍,同個湯底一樣咁清甜。糖醋黃金伊麵($198):受酒精影響下,XO仔喺分餸前唔記得咗影相,不過分咗餸後幅相都可以睇得出伊麵當真如餸名般金黃橙亮!糖醋麵乾巧香脆唔油膩,簡單可口。甜品上場前先有消滯暖胃嘅靚茶。糕燒甜三寶($198):甜三寶夠軟同腍,甜而不溜。薑薯綠豆爽($48):微甜嘅綠豆爽則輕盈清新。出咗名貴嘅高級潮州菜館「潮廳」環境高雅,中西合璧嘅裝潢及懷舊嘅設計甚有風格,服務生亦好客專業。集團選擇於抗疫期間優惠顧客,實屬有心之舉,傳統潮菜高質美味,當中超正嘅滷水鵝肝包保大家食過反找尋味,全單七折當然成功吸引不少貴客,天天滿座不無道理! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-27
1248 瀏覽
疫情下,很多餐廳都有做折扣,呢間高級潮州菜餐廳「潮廳」,我同班同事出去食午餐成日經過,見到佢堂食7折,另外午市外賣亦有優惠套餐,$ 108可選一款潮粵小吃,一款潮式粉面(所有湯粉可以轉米粉,河粉或粗面),仲送時菜一碟,都幾抵。今天與幾個同事特意一嚐此潮廳外賣午餐,各自選自己所好,我就選咗:潮陽蝦蟹棗蠔仔肉碎湯粗麵送嘅時菜今日係上湯娃娃菜成份外賣包装得很精美,而且用較環保嘅紙質外賣盒,感覺唔錯。蝦蟹棗有2粒,炸到金黃色,都幾大粒,攞到返公司,仲熱,好彈牙好味,而且食落唔油膩。湯與麵係分開,所以不會把麵浸到淋晒,蠔仔肉都幾肥美,有蠔香味,湯底好鮮甜好高質素,湯底配菜有方魚、冬菇、芹菜等等。我仲成個湯都飲晒,哈哈。上湯娃娃菜亦都非常出色,我見到有湯底有江瑤柱、草菇等很鮮味的食材,娃娃菜吸收了各樣食材的精華,很清甜好味。雖然係特價外賣,但係毫不馬虎,還很窩心送上花生、酸菜、蠔油及辣椒油,一百多元便可以喺公司享受到高級潮州菜,大家也很開心。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-05-06
1269 瀏覽
媽咪係潮州人,突然心血來潮搵一間潮州菜館帶媽咪去試吓。一入到餐廳已經覺得好似去咗另一個時空咁,傢俬裝飾全部都好懷舊。令我驚喜嘅太極素菜雞蓉羹, 有特色又好味。然後亦都叫咗一啲傳統嘅潮州菜,例如豪餅,蝦棗和蟹棗!我特別懷念功夫茶,侍應好似知道我哋都好鍾意飲功夫茶,不斷為我哋添茶,服務唔錯。因為有七折嘅優惠,三個人食,冇叫酒精類飲品,最後大概一千蚊。 晚市茶錢需要$40一位,我諗大概就係餐廳整個氣氛嘅價值所在。 繼續閱讀
(以上食評乃用戶個人意見 , 並不代表OpenRice之觀點。)