影片
更多
2018-01-22
6230 瀏覽
台灣菜係香港愈開愈多，不過要搵間岩自己口味，又真係要有水準既，其實唔係容易不過係銅鑼灣呢個密度咁高既地方，如果想搵間夠正宗，性價比高既台式餐廳，甚至係一間舒服既樓上餐廳食個下午茶，大家不仿試試呢間古早味台灣原味呀一上到黎餐廳正門，唔好比佢稍為昏暗既燈光嚇親，沿住呢條路入去就岩架啦咁岩小編被安排入座後，就有下午茶供應 (下午2:30開始)，價錢由$45-$58不等(當時都見到有D打工仔上黎食LUNCH)，大約有9款粉麵套餐，所以小編同兩位友人就叫左D下午茶套餐之餘，又另外叫左D特色既小食下午茶餐之一 : 古早味牛肉牛筋麵 $58牛肉麵絕對係正宗台灣菜既代表作之一，小編成日都覺得佢同時亦好代表果間餐廳既食物質素，就正如一間高水準既港式茶餐廳，杯奶茶好飲與否，可能都係你對果間茶餐廳既準則之一呢度既牛肉麵，其水準絕對高，除整體份量唔少之外，麵質有口感，湯汁亦唔會太濃或太咸，聞落時有少少陳皮味，有陣特別既味道，但食落果陣又冇架喎，真係既得意唔講唔知....原來餐廳每日都用4小時去做呢個牛肉麵既湯底係4小時....真係一D都唔馬虎~ 湯底了得，所以D牛就更加唔可以輕視! 當中既牛肉牛筋非常軟熟，一
一上到黎餐廳正門，唔好比佢稍為昏暗既燈光嚇親，沿住呢條路入去就岩架啦咁岩小編被安排入座後，就有下午茶供應 (下午2:30開始)，價錢由$45-$58不等(當時都見到有D打工仔上黎食LUNCH)，大約有9款粉麵套餐，所以小編同兩位友人就叫左D下午茶套餐之餘，又另外叫左D特色既小食
110 瀏覽
1 讚好
0 留言
下午茶餐之一 : 古早味牛肉牛筋麵 $58
牛肉麵絕對係正宗台灣菜既代表作之一，小編成日都覺得佢同時亦好代表果間餐廳既食物質素，就正如一間高水準既港式茶餐廳，杯奶茶好飲與否，可能都係你對果間茶餐廳既準則之一
呢度既牛肉麵，其水準絕對高，除整體份量唔少之外，麵質有口感，湯汁亦唔會太濃或太咸，聞落時有少少陳皮味，有陣特別既味道，但食落果陣又冇架喎，真係既得意
82 瀏覽
0 讚好
0 留言
唔講唔知....原來餐廳每日都用4小時去做呢個牛肉麵既湯底係4小時....真係一D都唔馬虎~ 湯底了得，所以D牛就更加唔可以輕視! 當中既牛肉牛筋非常軟熟，一共大約5大舊，每舊都非常入味，吸收左湯底既精華，真係絕對加左分
73 瀏覽
0 讚好
0 留言
下午茶餐之一 : 五味雞飯 $45
由於見佢個名幾特別，所以叫左佢試試~ 其實佢既賣相及整體感覺都有D似海南雞飯，雞件剛好用了鮮嫩既雞脾肉，而叫得五味雞飯，佢真係有五個味道既醬汁提供架，佢地分別係 (圖中左至右) : 芥末 , 麻辣 , 蒜蓉 , 甜酸 及 紅油 ~ 每個味道都有佢自己既特色，一個雞飯，卻有五種味道於一身，其實都真係幾特別
** 所有下午茶餐都會包括: 兩款小食 , 而飯類亦會附送是日例湯
51 瀏覽
0 讚好
0 留言
蚵仔煎 $48
呢個蚵仔煎都幾特別，佢既質感大而薄，上面淋上蚵仔煎食用既醬汁，唔好睇佢薄薄地咁，佢入面既蚵仔數量都幾多架整體感覺好似食緊中式薄撐咁，所以同友人SHARE食都唔錯
35 瀏覽
0 讚好
0 留言
宜蘭卜肉 $48
小編去過宜蘭當地食正宗既卜肉，同呢個相比，小編甚至覺得呢個卜肉更加比較好味!一共有8大件既佢，其實入面係一件豬肉，肉有口感，軟硬度適中，外層沾上薄薄既炸粉，食既時候再點埋附有既泰式辣醬，都真係啖啖肉+幾香口架
27 瀏覽
1 讚好
0 留言
奶蓋鳥龍荼
如果跟餐既話，佢只需加$5就可以了~餐廳會用上外賣杯裝比客人飲用，都唔錯架，大大杯，如果飲唔曬或是要趕住走，都可以拎走飲而佢既味道都唔錯 ，廿香既烏龍茶將上層大量奶蓋攪拌，好味
22 瀏覽
0 讚好
0 留言
舒壓洋甘菊花果茶 $20
成個感覺好CHILL好舒服，用透明既用具盛載，杯子用上外層防熱既隔熱杯花茶既味道甘香，飲落清清地
13 瀏覽
0 讚好
0 留言
花茶既底部更加有一個小蠟燭，以保持佢既溫度如果飲曬，可以叫店員加水REFILL，不過大約加3次左右，就會加到無咩味架啦~~
一邊飲住呢杯花茶，一邊望住外面及樓下嘈雜又繁忙既鬧市，確實形成左一個強烈既對比
13 瀏覽
0 讚好
0 留言
三色芋圓 $28
竟然有芋圓食，無理由唔試埋佢啦客人可以選擇凍/熱，佢既份量相對較少，所以如果本身食得太飽，又唔想食太多既話，就可以ORDER佢啦~~
8 瀏覽
0 讚好
0 留言
綜合芋圓 $32
呢個綜合芋圓，同樣客人都可以選擇凍/熱，佢既份量就較多，除左本身既芋圓之外，當中重包括仙草+綠豆，所以整體口感提升，所有配料都好好味，同時亦係一個好地道既台灣甜品真真正正為今餐台灣菜畫上句號~
** 總結: 呢間所提供既台灣菜式，由賣相到味道都好有台灣本土味道，加上位於銅鑼灣呢個咁繁喧既鬧市之中，確實難搵一間可以舒服得黎又可以安安靜靜食個台灣菜既餐廳，下午茶時段更加係岩曬附近既打工仔去食添，(6pm前都免加一架) 所以整體上佢既性價比係幾高，係值得支持
張貼
