澳洲牛奶公司

營業中

休息中

經過佐敦，朋友建議食澳牛，快靚正，咁就去食啦！由於我哋拎住行李，都驚入門口嘅時候會俾人鬧，但出奇地職員冇鬧我哋，仲安排左個靠牆位俾我哋添！心諗會唔會係被之前畫畫個妹妹受影響呢！哈哈！入到去澳牛，都不外乎食茶餐！所以我就叫咗個茶餐加凍檸茶啦！凍檸茶好快就黎到啦！個杯好的骰啊！我朋友問係咪一啖飲完呀，我記得我落order嘅時候，係嗌少甜小冰嘅，但嚟到我面前嘅呢部的骰凍檸茶，應該係多甜多冰，朋友即刻話，佢點會理你丫？😢即刻明明有少少希望都變成失望啦！到咗主菜茶餐！朋友話最出名係雞蛋！嘩，一食落去，咸到一個點......好想問究竟落咗幾多鹽呀？我覺得成個茶餐最好味係個多士~~~~ 個通粉湯底都好咸.....相信個廚師分吾到咸味架啦.....食得多真係會生腎石呀我諗我以後都唔會再去呢度食嘢㗎啦～