頂立

營業中

休息中

虹橋一帶真係有好多餐廳，起碼都有2-30間咁多，真係好多選擇㗎！有西式日式中式台式乜都有，所以假日都會去呢一帶覓食，因為我都好鍾意小店覺得食物味道多一份人情味今次試嘅係一間烏冬店，一睇個門面就覺得好有日本小店嘅感覺，真係好似去咗旅行，入到去睇睇餐牌見到只有三款面，分別係海老、魷魚同帆立貝，今次我哋就食咗海老同魷魚烏冬，兩者分別在於湯頭同配料嘅不同，海老烏冬係用咗自家製嘅鏗魚湯加上蝦頭熬製而成，魷魚烏冬則是鰹魚湯底配上一夜干熬製，前者口味濃郁仲帶有蝦嘅鮮甜味，後者就比較清新，兩者對我來講都好啱口味！另外，配料方面份量都唔少㗎，分別有3隻燒好嘅海老，非常彈牙仲保留左蝦嘅鮮味🤤而魷魚個人非常鍾意因為真係好爽同埋魷魚味濃郁，仲有滲晒湯底嘅油豆腐，食落滋味，手打烏冬非常掛湯，值得一提係碗麵既份量非常慷慨，我哋每人一碗已經食到捧腹而回呢間餐廳俾咗一個新嘅體驗俾我，就係烏冬配咖啡，一開始覺得呢個配搭有少少古怪，但係今次嘅體驗絕對值得一試，當日試了虹吸咖啡(nutty 豆）配海老烏冬,店員說我哋可以先飲一口麥茶解油膩，再飲一口nutty嘅咖啡,最後飲上一口湯頭，會將湯頭既鮮味提升上另一種層次，真係一次