影片
更多
2021-11-12
56 瀏覽
今日收工本身想去megabox 食，不過聽男朋友講原來megabox 附近既企業廣場都有好多性價比高既餐應，一於去探究下。成個企業廣場餐廳林林種種，其中最令我吸引就係， 一入門口既Coti- the- bistro。餐廳走西餐風格，柔和燈配上木地板皮梳化，我同男朋友被安排喺大梳化，坐得舒服又有情調。岩岩完左halloween 冇耐，餐廳餐牌都因應節日有special menu, 我地叫左軟殼蟹蟹肉拌飯，加上煎慢煮西冷配薯條沙律，價錢已包餐湯同飲品。Regular Menu 亦有好多餐廳限定既特飲，我地叫左奶醬啡，同埋咖啡果皮茶配蜜糖（就咁睇個名唔知係咩，原來係一款茶類）。先黎餐湯- 羅宋湯，驟眼望冇咩特別，但一飲落係好味道濃郁鮮甜，好似將好多新鮮蕃茄濃縮一齊咁，餐湯仲好足料，有一兩舊牛肉塊。之後就到送上咖啡果皮茶，配套十分精緻，有一個玻璃樽裝住茶，配上兩個小杯同蜂蜜，客人可以自己調配甜度，幾有心思。我地先品嘗一下本身既茶，一點都唔苦，本身以為茶好似齏啡咁，但原來係一種回甘帶甜，好似涼茶咁。加埋蜜糖更加帶出甘甜，個配搭好有驚喜。之後就到軟殼蟹蟹肉拌飯，唔剩止有原個大大隻有肉既軟殼蟹，仲有
餐廳走西餐風格，柔和燈配上木地板皮梳化，我同男朋友被安排喺大梳化，坐得舒服又有情調。
岩岩完左halloween 冇耐，餐廳餐牌都因應節日有special menu, 我地叫左軟殼蟹蟹肉拌飯，加上煎慢煮西冷配薯條沙律，價錢已包餐湯同飲品。
Regular Menu 亦有好多餐廳限定既特飲，我地叫左奶醬啡，同埋咖啡果皮茶配蜜糖（就咁睇個名唔知係咩，原來係一款茶類）。
先黎餐湯- 羅宋湯，驟眼望冇咩特別，但一飲落係好味道濃郁鮮甜，好似將好多新鮮蕃茄濃縮一齊咁，餐湯仲好足料，有一兩舊牛肉塊。
之後就到送上咖啡果皮茶，配套十分精緻，有一個玻璃樽裝住茶，配上兩個小杯同蜂蜜，客人可以自己調配甜度，幾有心思。我地先品嘗一下本身既茶，一點都唔苦，本身以為茶好似齏啡咁，但原來係一種回甘帶甜，好似涼茶咁。加埋蜜糖更加帶出甘甜，個配搭好有驚喜。
之後就到軟殼蟹蟹肉拌飯，唔剩止有原個大大隻有肉既軟殼蟹，仲有蟹肉分佈喺飯上面，軟殼蟹炸得好脆，唔油膩，過足蟹癮。飯有超多明太子汁淋喺蛋包飯上面，加上蟹肉，層次幾好。
精心調製既奶醬啡上場，杯上鋪滿朱古力醬同粒粒花生，賣相加哂分。先飲一飲咖啡，原來已經mix 埋花生醬一齊調，有咖啡豆既香配上花生醬甜度原來好夾，仲令到咖啡更加奶滑。連埋周邊既花生粒同朱古力，唔鐘意齏啡既我都覺得好好飲。
然後就到西冷配薯條，西冷我地揀左五成熟，塊扒有我半個手踭咁長，雖然唔厚，但係肉煎得好嫩好淋，師傅功架唔錯。
今日算係發現新大陸，以後唔使次次都去親megabox 都頭痕冇地方食。
張貼
