143
7
3
所有分店 (2)
電話號碼
23860288
營業時間
今日營業
08:00 - 21:00
星期一至五
08:00 - 21:00
星期六至日
11:30 - 21:00
公眾假期
11:30 - 21:00
公眾假期前夕
11:30 - 21:00
付款方式
Visa Master AlipayHK 支付寶 現金 八達通 銀聯
其他資料
網上訂座
Wi-Fi
酒精飲品
切餅費
賞訂座積分
加一服務費
當面支付
有關獎賞計劃
食評 (165)
等級4 2021-05-02
61 瀏覽
喺MegaBox行完街,見MegaBox嘅餐廳都差唔多食過晒,所以去到附近啲細商場睇吓有冇隱世餐廳。咁啱行到企業廣場,見到一間叫Coti既餐廳,因為唔想再行太遠,所以入去試試。餐廳門面設計舒服,枱櫈算大張,好闊落。一嚟到送咗個口罩套,品質非常高,哈哈!見到有二人餐,$436,都算多嘢食,最後因為驚食唔晒,所以都係散叫。叫咗兩個主食,附送蒜蓉包同埋餐湯,蒜蓉包香脆,個湯嚟到嘅時候熱辣辣,味道唔錯。主菜之一,牛油果蟹肉他他,幾特別既係佢係配窩夫,個窩夫甜得黎都幾香脆另一個主菜,慢煮烤雞配霹靂葡汁加雜錦沙律,半邊雞烤得幾香脆,雞皮都有味道,葡汁有少少辣,好友墨西哥嘅感覺叫咗個嘢飲,天然蜂巢咖啡,佢嘅蜂蜜唔係普通蜜糖,入邊真係有蜂膠的抹茶牛奶,唔喜歡甜嘅朋友值得一叫。最後係甜品,大大件嘅芝士蛋糕,加埋啲cream飽晒。最後埋單都係三百幾蚊,除翻開兩個人一個人都唔使$200 ,都算抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-29
146 瀏覽
餐廳位於企業廣場,樓下有小巴站,附近亦有大商場有接駁巴士,交通方便,又易搵到餐廳,最重要人流唔算多,唔使等位。餐廳內,大多是卡位,都有超大梳化,坐得好舒服,枱亦夠大,可以放到好多美食,唔會覺得迫夾,非常好。主菜有14款選擇,魚、牛、豬、雞、羊、麵食……都有,每款都好吸引,而且甜品亦同樣吸引。飲品亦有很多選擇,其中有特式飲品,個人覺得提拉米蘇咖啡好飲又特別,好似甜品同飲品同時享受一樣。當日餐湯係蕃茄湯,溫熱順滑,質感較厚身,有濃郁蕃茄味,酸甜帶微咸,好開胃好飲。慢煮西班牙烤雞甜椒蕃茄有驚喜,慢煮果然唔同d,雞肉好嫩好多汁,肉質有彈性,雞肉味道突出,烤雞皮脆帶香,仲有明顯香料味,調味剛剛好。配搭甜椒蕃茄醬汁,味道更提升,甜椒好香好夾雞肉味,蕃茄又可消膩。炸蕃薯條味道香甜,肉質比薯條更扎實更飽肚健康。法式燉羊膝好大份好抵食,羊肉有微微羶味,突顯羊肉濃郁味道,肉質鬆軟,肉嫩多汁,醬汁有洋蔥同蒜香,仲有黑椒微辛辣感,好惹味。意粉煮得保持彈性,唔會過軟,拌醬汁同羊膝肉食,味道更好。中間的薯蓉好綿滑,連紅蘿蔔都燉得入味。提拉米蘇咖啡感覺就係甜品加飲品的結合,又係驚喜。上層的提拉米蘇好細滑好creamy,可可粉加埋沾上咖啡的手指餅配提拉米蘇食,完美。下層的咖啡好香,亦可中和上層甜品的甜膩,好夾好飲。棉花糖朱古力賣相好靚,棉花糖燒過,特別焦香,朱古力與牛奶拌勻,兩者味道平衡,朱古力唔會過甜,影相打卡一流。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-22
460 瀏覽
💖熊妹好耐都冇去最愛嘅九龍灣喇,今日等埋懶懶熊放工之後就去九龍灣行吓街同埋食晚飯。📌行街前梗係醫吓肚先啦,食飽先有力行㗎嘛!返咗成日工嘅懶懶熊餓透了,熊妹就揀咗喺企業廣場一樓嘅一間西餐廳《Coti the Bistro》。📌晚上7:30嚟到,上班族都下班了,平日人來人往嘅廣場都變得冷清咗啲,餐廳人數都寥寥可數,仲好啦,冇乜人清靜啲,可以慢慢享受個晚餐。📌晚餐Menu📋有飯🍛、意粉🍝、西餐主食🥩、漢堡包🍔、全日早餐🍱等等,包是日餐湯同精選沙律🥗,但係就唔包飲品,價錢為$85至$188,價錢唔算太便宜。📌飲品方面有茶包茶、冷泡茶、沖調咖啡同埋特色沖調熱飲,大概$30、$40一杯,正常飲品價錢,不過無跟餐價,額外咁樣叫一杯就會顯得貴左啲。🔝蟹肉藜麥沙律沙律一碗份量都唔少,入面有新鮮沙律菜🥗、青蘋果片🍏、半粒蕃茄仔🍅、少許藜麥粒同埋蟹肉碎🦀,蟹肉碎同沙律菜撈埋一齊食鹹鹹哋又幾清新,沙律汁係黑醋汁幾開胃。是日餐湯,忌廉湯忌廉湯🍵質感幾濃郁,牛奶忌廉味都重但又唔算太鹹,入邊有啲粟米粒同麵包粒,食完沙律再飲湯,幾暖胃。原條鰻魚漢堡配蕃薯條,$98熊妹其實幾鍾意食鰻魚,又好鍾意食漢堡包,見到Menu有鰻魚漢堡,就當然係不二之選啦。原條鰻魚🐟份量都唔小,鰻魚汁好濃郁,係燒鰻魚嘅時候已經深入鰻魚入邊,令到鰻魚入邊都滲有鰻魚汁嘅味道,好夠味,肉質又彈牙又腍身,完全冇骨,就咁食第一啖好滋味,食多幾啖就連埋包皮一齊食再中和下味濃,麵包同鰻魚都幾夾,唔一定剩係夾飯黎食,唔怪得可以諗到鰻魚漢堡呢道菜啦。中間仲有啲黃椒絲、生菜片同蕃茄片,仲有啲碎蛋沙律,可以額外咁樣當沙律咁食。伴碟係蕃薯條,呢款蕃薯條比較脆口,冇乜蕃薯肉,不過蕃薯味都重嘅,熊妹就比較偏好有淋身蕃薯肉嘅蕃薯條,好似食緊蕃薯咁好好味。燉牛肋骨飯,$92懶懶熊返左成日工又餓又攰,飯桶嘅佢梗係要食返餐主食喇。燉牛肋骨都有三四大舊,牛肋骨🦴燉得幾淋身,牛味🐮都食得出,咬落啖啖肉又帶有有少少油脂肥膏,啱晒食肉獸嘅懶懶熊,骨入邊都入晒味,選骨就知道。醬汁咁濃味,撈飯食一流!配菜仲有懶懶熊好鍾意食嘅炆白蘿蔔同紅蘿蔔,炆到好淋,好入味,成碟飯都啱晒懶懶熊口味。📌整體就係一餐簡簡單單有湯有沙律有主菜嘅晚餐,味道餐廳環境都可以嘅,就係唔包飲品呢一點對食飯一定要飲嘢嘅懶懶熊黎講有點美中不足,唔知飲水算唔算呢? 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-11
711 瀏覽
今日喺九龍灣睇完傢俬開倉,行到好攰差唔多六點幾嘅時間,喺附近搵嘢食,最後揀咗呢一間Cafe,喺企業廣場嘅一樓由於係星期六嘅時間,呢度嘅人流都比較少,可以靜靜地坐低飲杯咖啡食下野呢間餐廳嘅咖啡種類都好多,除咗咖啡之外仲有茶可以揀;晚餐方面都有10款左右可以揀我同朋友一人揀咗一個set原條鰻魚漢堡配薯條:估唔到真係一大條鰻魚,基本上個包都包唔晒條鰻魚,漢堡包係有彈力嘅,入面有蕃茄,黃椒同生菜,仲有紫菜喺鰻魚麵,口感超豐富,尤其是佢嘅鰻魚上面嘅醬汁真係好好味,佢嘅薯條係甘薯條嚟嘅,同樣幾好味慢煮西班牙烤雞甜薯蕃茄配薯條:半隻大大隻嘅烤雞,見到佢外皮燒到金黃色,一到切開仲會噴煙嘅,夠晒熱辣辣,可能因為佢用慢煮嘅方法雞入面啲肉一啲都唔鞋,仲要讚下佢個醬汁真係好開胃咖啡方面我叫咗杯mocha, 朋友叫咗杯忌廉朱古力,朱古力味夠濃想悠閒咁樣坐低食一餐,呢間餐廳絕對係唔錯嘅選擇 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-26
718 瀏覽
晚餐時間約咗朋友喺九龍灣食飯,去咗平時唔會去嘅商業區,朋友帶路,去咗呢間西餐廳,餐廳主打係佢哋嘅𝐶𝑜𝑓𝑓𝑒𝑒 ☕️,選擇好多,仲有餐廳精選口味,好多款都想試。我哋心大心細,叫咗野食先,款式都唔少,我地order咗2個𝐷𝑖𝑛𝑛𝑒𝑟 𝑆𝑒𝑡. 𝐷𝑖𝑛𝑛𝑒𝑟 𝑆𝑒𝑡附送餐湯或沙律。蟹肉藜麥沙律 - 細細份,材料新鮮,開胃之選餐湯 - 牛肉雜菜湯,牛味濃,雖然細細碗,但有好多牛肉係入面。黃金蟹肉闊條麵 - 好香鹹蛋味,鹹蛋配上蟹肉,幾好嘅配搭😋牛油果軟殼蟹漢堡配蜜糖薯條 - 牛油果🥑好新鮮,軟殼蟹炸得剛好,唔會太油!我最期待嘅𝐶𝑜𝑓𝑓𝑒𝑒 𝑇𝑖𝑚𝑒 ☕️黑白朱古力咖啡 - 好有層次感,有黑朱古力的苦澀味道,又有白朱古力的甜,再加上咖啡,唔錯嘅組合,呢個係限時,值得一試!伯爵茶 - 茶夠濃,refill 2次都仲夠味餐廳環境幾好,坐得舒服,晚餐時間,唔多人,可以靜靜地傾下偈,唔錯嘅選擇。 繼續閱讀
(以上食評乃用戶個人意見 , 並不代表OpenRice之觀點。)