香滑咖喱屋 (已結業)

星期五晚要留在公司趕圖，叫同事幫手買飯，見天氣好似沾寒沾涷，食下咖哩都唔錯，就買了個大辣的咖哩牛腩配薄餅外賣。有一個發泡膠兜盛咖哩牛腩，而薄餅則在另一盒內。咖哩牛腩份量不少，如果三個人的話叫兩份食三塊薄餅都應該得。大辣咖哩係幾辣，亦好惹味，屬印式咖哩，椰奶味淡而香料味濃，幾好味亦保持水準；牛腩炆得腍又入味，但喜愛的牛筋竟然一舊都無，真唔好彩；薄餅是圓圓的一大塊，食完唔使驚唔夠飽，但因吃時已放涼了，厚厚的都幾難啃，但非關店子的事，新鮮熱辣時係幾好食的。咖哩牛腩40蚊，外賣加1蚊，價錢都算可以接受。