喺公司附近嘅呢一個 food court 裏面大大話話有十幾間餐廳，係呢一個 corner 有個咁希臘嘅場景，通常我會揀禮拜六嚟呢度食，輕輕鬆鬆又一工，感覺超啲，疫情底下睇咗當去咗。
不過呢度啲嘢食就麻麻地嘅，印象中食過佢個肉燥太蛋米同雞扒都係強差人意，今日掛住幅壁畫又想穩陣啲，腸仔蛋應該唔會輸喇掛，點知佢竟然仲有半隻肉茄喺度添，仲要係煎過架，實在令人太感動喇，穩健嘅腸仔蛋加埋肉茄同茄汁豆，又構成另一幅美麗嘅圖畫。
食食吓發現個 tray 有 espuma 一字，係我去過喺 QRE Plaza 嘅一間西班牙餐廳，莫非兩者有所關連??
