最近去咗啟德🚇新地標「雙子匯1期」崇光百貨上面嘅Nisugu 🏢，呢間餐廳真係畀咗我一個好大嘅驚喜 🤩！佢主打嘅係西班牙菜 🇪🇸，仲要係Fusion咗日式 🇯🇵 元素，真係幾特別 ✨！
餐廳環境幾有格調 💫，裝修時尚又開揚，半開放式設計令成個空間感好闊落舒服 😌。最正嘅係佢有戶外露天座位 🥰，可以望到無敵啟德靚景 🌆，感覺幾浪漫 💖。佢哋午市係Cafe ☕，晚市就變身做Bar & Restaurant 🍸，無論係想Hea下飲杯嘢 🥂，定係食餐好 🍽️，都好啱Feel 👍！
飲品 🍹，我叫咗杯SUNNY ISLAND（菠蘿·芒果·乳酸·梳打水）🍍，呢杯嘢飲落好清新，酸酸甜甜 😋，帶點乳酸味，再加埋梳打水嘅氣泡感 💦，真係好解渴，好啱夏天飲！朋友就試咗佢哋嘅 Cocktail MANGO COCO 🥥（Coconut Oil Washed Rum, Mango Grapefruit Juice, Lemon Juice, Yuzu Honey, Clarified Coconut Milk）🍸，佢話呢杯Cocktail望落雖然清澈 ✨，但飲落有濃郁嘅芒果同西柚味 🥭，仲有少少柚子蜜嘅清香，口感好順滑 😊，帶點熱帶風情 🏝️，幾有驚喜！
前菜橙漬北海道刺身帶子 🍊，充滿fusion感，帶子刺身肉質肥美又鮮甜 😍，用橙漬過之後多咗一份清新嘅果香 🌟，食落好開胃。
跟住係明太子蟹肉玉子燒 🥚，佢蛋味香濃又鮮味，上面嘅明太子醬同蟹肉 🦀 份量十足，每一啖都食到鮮味 🤤，加上少少三文魚籽 🐟，鹹香得嚟又帶點甜 💫。
主菜西班牙燒乳豬配蘋果蓉 🐖 賣相都幾靚，乳豬係脾位，燒到外皮金黃酥脆 🔥，咬落卜卜脆，肉質就嫩滑多汁 💧，完全唔會乾柴，配埋香甜嘅蘋果蓉 🍎 一齊食，可以中和返乳豬嘅油膩感 ☺️，令成個味道更有層次，真係好食到停唔到口 👏！
最後甜品係開心果巴斯克蛋糕 🍰，外層帶點焦香 🔥，內裡濕潤軟滑 😋，開心果味幾香濃，甜度係微甜，應該幾適合怕甜嘅人士 😆。
總括嚟講 📝，Nisugu真係一間幾值得去嘅餐廳，無論係環境、服務 💁 定係食物質素 🍴 都唔錯，佢哋將🇯🇵和風同西班牙菜Fusion🇪🇸得幾好，感覺幾有驚喜 ✨！
