主食
我哋揀咗兩個限定套餐（奉送湯或沙律；追加正價飲品+$12）
📌是日餐湯係粟米湯🌽🍲
質地比較濃稠，有粒粒粟米令口感豐富
濃郁嘅粟米湯，味道青甜可口
📌 辣雞大啡菇漢堡伴薯條🐔🍔🍟
呢個漢堡一上枱已經香氣爆棚
雞扒煎到外脆內嫩，juicy到不得了
菇味濃郁，微辣嘅醬汁同大啡菇咬落去超match
漢堡包兩邊烘得鬆軟，夾住生菜同蕃茄口感層次好豐富！
旁邊嘅薯條金黃香脆，被帶有柚子汁嘅新鮮嘅沙律菜中和左油膩感
📌 香煎帶子墨魚汁燴意大利飯🦪🐙🍛
帶子煎到表面金黃，入口嫩滑鮮甜
配上墨魚汁嘅濃香同煮得軟硬適中嘅意大利飯
每一啖都係海鮮控嘅幸福
一路講野一路食，啲牙都冇變黑色😂😂😂
同男仔食都冇問題😏
甜品控集合啦！📢📢📢
📌 蜜瓜白桃烏龍疏乎厘班戟🍈🍑🍵🥞 ♥️♥️♥️必食
呢款班戟真係軟綿綿到飛起，疏乎厘口感輕盈似雲朵☁️
一路切嘅時候都不斷動L動L，朋友都大呼「好可愛」🤗
蜜瓜同白桃嘅清甜好夾，仲有淡淡烏龍茶香，食完完全唔膩😋
📌 芒果椰子芭菲🥭🥥🍨
由層層新鮮芒果肉、乳酪、芒果蓉、奇亞籽同新鮮椰子果凍堆叠出嚟
甜度同酸度平衡得剛剛好，食落好似置身熱帶！
杯裝設計超靚，拎上手影相再食，滿足晒視覺同味覺～
飲品🥤
📌 烤杏仁拿鐵☕
呢杯拿鐵有驚喜！
奶泡綿密同質地豐盈
杏仁烤過後嘅香氣好突出
咖啡味濃而不苦
最正係凍熱同價
📌 草莓番石榴乳酸梳打🍓🥤
呢杯飲品係清新嘅代表！
草莓同番石榴嘅果香好突出
乳酸氣泡爽到爆，飲落好解渴又唔會太甜
春日必試～
📍TERA (形點 I)
元朗元龍街9號形點 I L1樓1075號舖
5
20
