啲野食係幾打卡，但係啲服務態度就真係幾差
食哂啲嘢同侍應講，叫佢上甜品 ，等咗一陣佢都唔收枱面啲嘢，講真張枱又唔係大，唔清一清啲嘢就真係放唔到個甜品。
（侍應同張枱距離唔使三步）
唔緊要啦，見佢長期企喺度對住個對講機係咁講，可能真係有好多重要嘢要佢講同睇住，或者佢哋分工好細🪖
咁我就叫佢清一清張枱同埋再講聲一陣會有多士。
話晒呢間都係日式咖啡廳，就算係其他餐廳上甜品都會換套餐具同碟，冇都唔緊要，我估上甜品嗰陣一次過俾埋刀叉我哋！
點知甜品嚟到，叉都冇，點食？
問佢哋拎支叉好似攞咗佢條命咁
😅 我真係呆咗 尖沙咀都係咁？！
係唔係要好似KOL咁拎住相機，服務先好啲😅
刀仲要擺喺啲濕濕地嘅枱上面，攞紙巾扮吓嘢墊住都好吖
冇嘢快得過埋單，10秒都唔使就拎到張單俾我哋🤷🏻♀️
以上食評乃用戶個人意見 , 並不代表OpenRice之觀點。
讚好
用餐日期
2025-09-22
等候時間
10 分鐘 (堂食)
人均消費
$260 (晚餐)
